Atletico Madrid dhe Barcelona kanë për momentin një marrëdhënie të acaruar ndaj njëra-tjetrës. E gjitha nisi për shkak të Griezmann. Sulmuesi kishte vendosur muaj më parë se ky do të ishte sezoni i fundit me bardhekuqtë, mirëpo së fundmi është zbuluar se sulmuesi dhe Barcelona kishin gjetur marrëveshjen prej muajit mars.

Pikërisht, në një kohë kur Atletico ishte ende e impenjuar në Champions League dhe kjo është marrë si një fyerje e Griezmann dhe Barcelonës ndaj klubit madrilen dhe tifozerisë së tyre. Në këtë formë, tashmë negociatat për francezin mund të vështirësohen, pasi Atletico i ka kërkuar të jetë i pranishëm në grumbullimin e parë të skuadrës, duke qenë se është ende në kontratë. Ndërkaq, Atletiko ishte e interesuar edhe për mbrojtësin Nelson Semedo të blaugranëve. Dhe në takimin për Grizman është diskutuar edhe e ardhmja e mbrojtësit, por katalanasit janë treguar kategorik duke mos lejuar një largim të portugezit.

Ndërkohë, në këtë pikë përfshihet edhe mbrojtësi i Kombëtares së Shqipërisë, Elseid Hysaj, i cili është në listën e trajnerit Diego Simeone. Mbase, tashmë pas refuzimit të Barcelonës për Semedon, Atletico do të shfaqet konkretisht për shkodranin e Napolit.