Connect with Us

“Idrizi president me paratë e të tjerëve, të largohet sa më shpejt nga Flamurtari”

Sport

“Idrizi president me paratë e të tjerëve, të largohet sa më shpejt nga Flamurtari”

Publikuar

-

Eqerem Memushi “skanon” Flamurtarin dhe radhit arsyet e kësaj krize. E quan të paprecedentë faktin që stërvitja nis 10 ditë para fillimit të kampionatit, ndërsa hapur e thotë se merkatoja është e dështuar.

Në një intervistë ekskluzive për “Panorama Sport”, ish-trajneri i njohur vlonjat mendon se situata është aq e rëndë, sa vetëm Zoti mund të sjellë shpëtimin. Zgjidhjen e gjen te largimi i Sinan Idrizit, madje thekson se me ikjen e tij, do mjaftonin 48 orë që dashamirësit vlonjatë do të mblidhnin 1 miliard lekë.

Memushi, ka ndodhur ndonjëherë në historinë e futbollit shqiptar që një ekip të fillojë përgatitjet 10 ditë para kampionatit?

Nga eksperienca që kam unë si ish-lojtar apo si ish-trajner, nuk mbaj mend që një skuadër ta nisë apo ta ketë nisur me kaq vonesë punën për sezonin e ri.

Largohet një trajner dhe vjen një tjetër. Mendoni se ka një mungesë serioziteti në këtë pjesë?

Në momentin e parë që u emërua Gerdi, të gjithëve na erdhi mirë dhe menduam se më në fund do të kishte djemtë vlonjatë te Flamurtari. Haxhiu është serioz, me eksperiencë në Superiore dhe që ka drejtuar disa skuadra. Duke parë rrjedhën e ngjarjeve, unë nuk jam i sigurt për ta shpjeguar. Këtë më mirë duhet ta sqarojë administratori dhe trajneri. Ata i dinë shkaqet e largimit nga ekipi. Por një ide e kam… problemi financiar është kryesori dhe i padiskutueshëm.

Si e shikoni rolin dhe qëndrimin e bashkisë në këtë histori?

Unë e kam thënë edhe më parë. Nuk është problem i bashkisë. Problemin e ka te vetja ky klub. Bashkia deri në këto momente është shumë korrekte në marrëdhënie me kontratën dypalëshe dhe është e qartë. Pikërisht se është e qartë bashkia edhe nuk po ndërhyn, pasi i di kompetencat e saj. Ky është mendimi im.

Duket se lojtarët nuk kanë garanci as për këtë sezon. Besoni te zgjidhja e situatës?

Ne jemi këtu, jemi pjesë e qytetit dhe e skuadrës. Kemi luajtur te Flamurtari dhe na vjen keq. Zgjidhjen duhet ta japin ata që drejtojnë në klub.

Por, si mund të zgjidhet çështja e Flamurtarit?

Para disa ditësh, administratori Idrizi kishte thënë se nuk ka vlerë 5 mijë apo 10 mijë lekëshi. Por, për mendimin tim ai duhet të japë dorëheqjen. Të dalë para mediave, të dorëhiqet nga klubi dhe ta shikojë që për dy ditë, po nuk u mblodhën 1 miliard lekë nga të gjithë njerëzit që e duan Flamurtarin. Të dalë në media dhe të pranojë dështimin, të pranojë që deri në këto momente nuk është në gjendje ta drejtojë këtë klub dhe të mos na tregojë që dua të bëj klub, por nuk dua të bëjë skuadër. I thoni që klubi dhe skuadra bëhen me financa. Nëse ke financa, bëhet edhe klubi dhe skuadra. Nëse nuk ka financa, ta falënderojë gjithë qyteti për atë kontribut që me të vërtetë ka dhënë se nuk ia mohon njeri. Po të jetë për para, jemi gjithë këta specialistë ne. Vijmë me ballin hapur pa lekë te Flamurtari dhe punojmë që të gjithë.

Doni të thoni se mund t’i jepni një dorë Flamurtarit pa interesa financiare?

E them sinqerisht dhe me pastërti këtë. Që të gjithë kolegët e mi, miq e shokë që kanë kontribuuar për këto ngjyra do të vinin. Po nuk erdhën, më pështyni mua. Të gjithë punojnë pa lekë. Pa lekë e mbajmë ne, jo të jetë ai (i referohet Idrizit). Ai me lekët e të tjerëve do të jetë president. Ashtu e mbajmë ne, brezi ynë, pa lekë fare. Ne punojmë pa rrogë. Të hapë krahun dhe merren njerëz të tjerë me atë punë. Njerëz që i kanë mundësitë për ta ngritur Flamurtarin në nivelet që i takon. Dorëheqja e tij është e vonuar, duhet ta kishte bërë më shpejt. Idrizi duhet të kuptojë një gjë: të mos e varë xhaketën te çengeli dhe me justifikime. Jo po FSHFja, jo po bashkia, jo po kjo, e jo ajo… O zotëri, ku është konkretisht ai njeri? Janë 30 njerëz që e kanë hedhur në gjyq për të drejtën e tyre, për ushqimin e fëmijëve të tyre që kanë dhënë gjakun aty. Këtë të shikojë ai dhe mos të hidhet jo kjo, jo ajo, jo kështu apo ashtu. Më vjen keq që edhe një djalë nga Vlora si Franc Veliu, të ikë në atë mënyrë nga skuadra. Ecuria e Flamurtarit u duk që nga prezantimi në fillim që mori drejtimin, që në prezantimin e tij prezent ishin Trokallari, Fjodori dhe Xhejmsi.

KLIKO PER TE KOMENTUAR

Leave a Reply

Your email address will not be published. Required fields are marked *

Sport

PSG shkatërron Realin/ Barazim i çmendur mes Atletico Madridit dhe Juves

Publikuar

-

PSG ka fituar 3-0 ndaj Realit në “Parc des Princes” në ndeshjen e parë të grupit A në Champions League. Edhe pse pa treshen kryesore Neymar, Mbappe & Cavani, PSG dominoi takimin nga fillimi në fund.

Protagonisti i kësaj ndeshjeje është padyshim Angel Di Maria. Argjentinasi shënoi dy gola ndaj ish-ekipit të tij dhe nuk ngurroi të festonte si i çmendur.

Me rezultatin 2-0 u mbyll pjesa e parë. Goli i tretë i takimit u shënua në minutat shtesë nga belgu Meunier.

Pas kësaj fitoreje, PSG kryeson grupin, pasi sfida tjetër përfundoi në barazim.

Në supersfidën tjetër të mbrëmjes që u luajt në “Wanda Metropolitano”, Atletico Madrid-Juventus përfundoi në shifrat 2-2.

Në 45 minutat e para pati disa raste, por munguan golat. Ndërsa pjesa e dytë ishte spektakolare. Bardhezinjtë arritën të shënonin dy gola me Cuadrado 48′ dhe Matuidi 65′ dhe u mendua se takimi këtu mori fund.

“Los Colchoneros” nuk u dorëzuan për asnjë çast. Fillimisht ngushtuan rezultatin me golin e Savic 70′ dhe në fund të takimit barazuan shifrat me golin e Herrera.

Në ndeshjen tjetër të këtij grupi pati një rezultat surprizë. Lokomotiv Moska fitoi 1-2 në Leverkusen, duke marrë kështu vendin e parë në grup.

/CNA.al

LEXO TE PLOTE

Sport

Bayerni e nis me këmbë të mbarë, fitore e lehtë ndaj serbëve/ Man. City nuk i diskuton ukrainasit

Publikuar

-

Bayern Munich e ka nisur me fitore sezonin e ri në Champions League. Bavarezët fituan në “Allianz Arena” 3-0 ndaj serbëve të Crvena Zvezda. Goli i parë i takimit u shënua nga Kingsley Coman në minutën e 34′. Ylli francez dërgoi me kokë topin në rrjetë, pas asistit fantastik të Ivan Perisic.

Në minutën e 80′, bavarezët dysfihuan rezultatin falë golit të Lewandowskit. Ky ishte goli i 200 për polakun me fanellën e Bayernit në 249 ndeshje, që në këtë rast iu “fal” nga serbët.

Në minutat shtesë, Thomas Muller shënoi dhe golin e tretë. Bayerni merr vendin e parë në grup, pasi ndeshja tjetër mes Olympiacos dhe Tottenhamit u mbyll në barazim 2-2.

Në grupin C, Man. City fitoi pa proleme 0-3 ndaj Shakhtar Donetsk. Golat për ekipin e Guardiolës u shënuan nga Mahrez 24′, Gundogan 38′ dhe Gabriel Jesus 76′.

Në ndeshjen tjetër të këtij grupi, Dinamo Zagreb fitoi 4-0 ndaj Atalantës. Ekipi italian debuton me humbje në Champions League. Berat Gjimshiti luajti nga minuta e parë në këtë ndeshje, madje u ndëshkua edhe me karton të verdhë.

/CNA.al

LEXO TE PLOTE

Sport

Juventusi tregon forcën/ Kampioni i botës dysfishon rezultatin ndaj Atletico Madridit

Publikuar

-

Juventusi ka shënaur golin e dytë në “Wanda Metropolitano” ndaj vendasve të Atletico Madridit. Ishte kampioni i botës, Matuidi që dërgoi topin për herë të dytë në rrjetën e Oblak. Mesfushori shënoi me kokë pas një krosimi shumë të bukur nga Alex Sandro.

Goli i parë u shënua në fillim të pjesës së dytë nga Cuadrado. Me këtë rezultat, Juventusi tregon forcën që në ndeshjen e parë të sezonit të ri në Champions League dhe jo më kot konsiderohet si një nga favoritët kryesorë për të fituar këtë trofe. Të fitosh në fushën e Atleticos nuk është aspak e lehtë… /CNA.al

LEXO TE PLOTE