Connect with Us

Sezon i ri, avaz i vjetër/ Man. United turpërohet në shtëpinë e tij (video)

Premier Liga

Sezon i ri, avaz i vjetër/ Man. United turpërohet në shtëpinë e tij (video)

Publikuar

-

Man. United ka humbur 1-2 në “Old Trafford” kundër Crystal Palace, ndeshje e vlefshme për javën e tretë në PL. Edhe pse pritej që këtë sezon të shihnim një United ndryshe nga vjet, ndeshja e sotme ishtë vërtet dëshpëruese për “Djajtë e Kuq”.

Një gabim amator i mbrojtësve u shfrytëzua më së miri nga sulmuesi i Crystal Palace, Jordan Ayew në minutën e 32′. Me rezultatin 0-1 u mbyll pjesa e parë.

Në minutën e 69′, vendasit patën mundësinë e artë për të barazuar shifrat nga pika e bardhë e penalltisë, por topi i goditur nga Rashford u përplas në shtyllë.

Barazimi i përkohshëm erdhi vetëm në minutën e 90′ me golin e shënuar nga blerja e kësaj vere, uellsiani Daniel James.

Kur pritej që ndeshja të përfundonte në barazim, miqtë shënuan golin e fitores në minutën e 93′ me van Aanholt.

Një humbje turpëruese për United dhe dhimbjet e kokës për trajnerin Solskajer fillojnë që në javën e tretë. /CNA.al

KLIKO PER TE KOMENTUAR

Leave a Reply

Your email address will not be published. Required fields are marked *

Premier Liga

Zbulohet e vërteta/ Ja pse ylli i Liverpoolit feston me shqiponjë

Publikuar

-

Liverpooli fitoi dje 2-1 ndaj Chelseas, në javën e gjashtë të Premier League. Dy autorët e golave për ekipin e Klopp ishin Trent Alexander-Arnold dhe Firmino.

Sa herë që shënon gol, mbrojtësi 20-vjeçar i Liverpoolit, feston duke bërë shenjën V, ose siç i themi ndryshe ne shqiptarët, feston me shqiponjë. Por cili është kuptimi i kësaj mënyre festimi? Ylli anglez i të kuqve imiton një festim të njohur në video-lojën FIFA, që njihet me emrin ‘Volta’, që do të thotë “të kthehesh” në portugalisht dhe që besohet të jetë një referencë për futbollin në rrugë.

Pra, lojtari që feston në këtë mënyrë me shenjën V apo në formën e shqiponjës, do që të tregojë se vjen nga futbolli i rrugës. /CNA.al

LEXO TE PLOTE

Premier Liga

Arsenali “skuqet”, vuan, por në fund merr fitoren e madhe

Publikuar

-

Arsenali ka fituar 3-2 në “Emirates” ndaj Aston Villës. Një ndeshje me gola, emocione, nerva, por në fund fati iu buzëqeshi “Topçinjve”. Miqtë shënuan të parët me McGinn në minutën e 20′. Pak minuta para fundit të pjesës së parë, Arsenali mbetet me 10 lojtarë. Maitland-Niles doli me karton të kuq, duke ia bërë ndeshjen akoma edhe më të vështirë Arsenalit.

Në minutën e 59′, ekipi i Emery barazon përkohësisht shifrat 1-1 me penalltinë e shndërruar në gol nga Nicolas Pepe. Pa u gëzuar mirë për golin, Arsenali pëson të dytin pas vetëm 1 minute. Wesley shënon për miqtë dhe iu jep avantazhin 1-2.

10 minutat e fundit ishin vërtetë shumë të bukura. Arsenali shënoi 2 gola në 4 minuta. Chambers barazon rezultatin 2-2 në minutën e 81′. Tre minuta më vonë, Aubameyang ngre në peshë stadiumin me golin e tij nga goditja e dënimit.

Pas javës së gjashtë, Arsenali renditet i katërit me 11 pikë, Aston Villa në vendin e tetëmbëdhjetë me 4 pikë. /CNA.al

LEXO TE PLOTE

Premier Liga

Ky Liverpool është për titull/ Chelsea viktima e radhës

Publikuar

-

Liverpooli fiton me shifrat 2-1 në “Stamford Bridge” ndaj Chelseas dhe vazhdon të kryesojë me pikë të plota pas 6 javëve, 18 pikë. Dy golat për ekipin e Klopp u shënuan në pjesën e parë. I pari nga Trent-Alexander Arnold, 20-vjeçari dërgoi topin në rrjetë pas një predhe nga goditja e dënimit në minutën e 14′. Në minutën e 30′, Firmino shënon golin e dytë pas asistit të Robertson, braziliani dërgon topin me kokë në rrjetën e Kepa-s.

“Blutë e Londrës” ngushtuan rezultatin në minutën e 70′ me një gol “alla” Hazard, nga francezi N’Golo Kante.

Rezultati mbeti i pandryshuar deri në fund. Liverpooli largohet më një 3 pikësh të artë dhe tregon se është favoriti kryesor për titull këtë sezon, ndërsa ekipi i Lampard merr një tjetër goditje në fushën e tij dhe renditet në vend të njëmbëdhjetë me 8 pikë. /CNA.al

LEXO TE PLOTE