Connect with Us

Buzëqesh Takaj, ja shifra e majme që i jep Bashkia Skënderbeut

Sport

Buzëqesh Takaj, ja shifra e majme që i jep Bashkia Skënderbeut

Publikuar

-

Lajm i mirë vjen për Skënderbeun dhe futbollin korçar pas shumë vuajtjesh dhe lajmeve jopozitive. Pas dënimit të lënë në fuqi nga KAS-i në lidhje me pezullimin 10- vjeçar të bërë nga UEFA për klubin bardhekuq, korçarët mund t’i gëzohen diçkaje tjetër.

Pas bisedimeve të shumta këtë verë mes presidentit Ardjan Takaj dhe Bashkisë së Korçës me në krye Sotiraq Filon, është vendosur që kjo bashki ta rrisë buxhetin e saj të dedikuar për sportin edhe me 140 milionë lekë të tjerë. Një shumë e konsiderueshme kjo që mund t’u shërbejë korçarëve dhe klubit bardhekuq në këto kohë të vështira.

“Panorama Sport” para disa javësh bëri me dije se ka pasur një takim mes kryebashkiakut të Korçës, zotit Sotiraq Filo, dhe presidentit të Skënderbeut, Ardjan Takaj. Takim, i cili është zhvilluar në lidhje me këtë çështje, financat e klubit bardhekuq dhe një rritje e buxhetit, që bashkia kishte parashikuar për këtë klub. Pas shumë takimesh mes palëve, Bashkia e Korçës ka vendosur përmes Këshillit Bashkiak që ta rrisë me 140 milionë lekë fondin e parashikuar për sportin. Në të tilla kushte, kjo mbetet një shifër, e cila është mjaft e domosdoshme për klubin bardhekuq që vuan atë dënim të dhënë nga UEFA.

Për pasojë, edhe financat i ka të reduktuara për momentin, për vetë faktin e pezullimit nga pjesëmarrja në kompeticionet europiane. Nëse do t’i referohemi buxhetit që bashkia jepte për sportet dhe në veçanti për futbollin, mund të themi se rritja është e konsiderueshme. Nga burimet e gazetës bëhet me dije se nëse Bashkia e Korçës vinte në dispozicion plot 300 milionë lekë për sportin në juglindje, 280 milionë lekë shkonin për llogari të klubit të futbollit Skënderbeu dhe pjesa tjetër për shumësportëshin. Ndërsa në këto momente, me rritjen e programuar në buxhetin e bashkisë, ekzekutivi i Korçës ka të parashikuar plot 420 milionë lekë për futbollin. Një kërkesë e tillë ishte bërë më herët nga presidenti Ardjan Takaj dhe, me sa duket, është bërë realitet nga ana e bashkisë më të madhe në juglindje të vendit.

FINANCAT – Korçarët në këtë sezon të ri janë të fokusuar kryesisht tek elementët e rinj dhe te promovimi i tyre në tregun e huaj. Kjo korrespondon maksimalisht edhe me uljen e buxhetit të klubit, dedikuar pagave të futbollistëve dhe me financat vjetore të Skënderbeut. Në të tilla kushte, një shtim i tillë nga ana e Bashkisë së Korçës e bën akoma edhe më shumë të përballueshme një situatë kritike ku ndodhet Skënderbeu për momentin. Kjo do të përkthehet në një mbështetje më të madhe të bashkisë, e cila bëhet kësisoj nga më të rrallat që jep këtë vlerë për futbollin, por edhe një garanci për klubin në përballimin e sezonit futbollistik./Panorama Sport

KLIKO PER TE KOMENTUAR

Leave a Reply

Your email address will not be published. Required fields are marked *

Seria A

Interi nuk fitoi dot ndaj ekipit më të lehtë në grup/ 50 mijë tifozë zikaltër reagojnë ashpër

Publikuar

-

Interi nuk shkoi më shumë se një barazim në shifrat 1-1 ndaj Slavia Prague. Djemtë e Conte-s i shpëtuan turpit falë golit të Nicolo Barella në minutat shtesë.

Ky rezultat nuk është pritur aspak mirë nga tifozët vendas, ku rreth 50 mijë zikaltër kanë vërshëllyer futbollistët e Interit ku po dilnin nga fusha, në shenjë pakënaqësie për rezultatin por edhe lojën shumë të dobët.

Me këtë barazim, Interi rrezikon shumë për kualifikimin në fazën tjetër, duke ditur se ka në grup Barcelonën dhe Dortmundin dhe përballja e sotme ndaj çekëve ishte më e lehta për zikaltrit, të paktën në letër. /CNA.al

LEXO TE PLOTE

Sport

Champions League/ Interi i shpëton turpit në fund, shënon 45 milionëshi

Publikuar

-

Interi e ka nisur me një barazim 1-1 ndaj Slavia Prague sezonin e ri të Champions League. Një rezultat aspak i mirë për zikaltrit duke ditur që kanë në grup dy klube gjigande si Barcelona dhe Dortmundi.

Përsa i përket ndeshjes, miqtë kaluan të parët në avantazh me golin e Peter Olayinka në minutën e 63′ të takimit. Nigeriani e ka nisur karrierën si profesionist tek ekipi i Bylis në Shqipëri, ku luajti për dy sezone 2012-2014, 18-vjeç në atë kohë.

Më pas u transferua te Skënderbeu aty ku dhe shkëlqeu, ku luajti për dy sezone 2014-2016, më pas u shit te Gent në Belgjikë dhe vazhdoi karrierën në disa klube. Në vitin 2018 u ble nga çekët e Slavia Prague.

Barazimi i ziklatërve ka ardhur në minutat shtesë me golin e shënuar nga Nicolo Barella, futbollisti i transferuar këtë verë për një çmim që do të shkojë rreth 45 milionë euro.

Ndeshja tjetër mes Lyon dhe Zentit u mbyll edhe ajo në shifrat 1-1. /CNA.al


LEXO TE PLOTE

Sport

Tërmet në “San Siro”/ Video: Ish-sulmuesi i Skënderbeut i shënon Interit

Publikuar

-

E pabesueshme ajo që po ndodh në “San Siro”, në ndeshjen mes Interit dhe Slavia Prague.

Miqtë kanë zhbllokuar takimin në minutën e 64 me anë të Peter Olayinka, një emër i njohur në futbollin shqiptar pasi spikati te Skënderbeu dhe më pas u transferua jashtë. Sulmuesi nigerian ka luajtur fillimisht për Bylis në Shqipëri dhe më pas për Skënderbeun, në vitet 2014-2016, ku shkëlqeu edhe në Kupat e Europës.

Edhe pse pozicioni i Olayinka ishte i dyshimtë, arbitri e quajti gol të rregullt, pasi e pa edhe në VAR. /CNA.al

LEXO TE PLOTE