Connect with Us

Gazeta austriake përgënjeshtron lajmin/ Ish-futbollisti akuzues një burgaxhi

Sport

Gazeta austriake përgënjeshtron lajmin/ Ish-futbollisti akuzues një burgaxhi

Publikuar

-

Mëngjesin e sotëm, gazeta e njohur austriake, “Krone.at” ka publikuar një lajm (LAJMI) që përfshinte edhe edhe drejtuesit e Skënderbeut. Sipas gazetës, ish-futbollisti i kombëtares së Austrisë, Sanel Kuljiç, një i dënuar me 5 vite burg, kishte shpërthyer në akuza ndaj drejtuesve të klubit të Skënderbeut dhe fliste për trukime.

Madje në akuzat e tij, ai shtonte se edhe ishte kërcënuar nga presidenti i klubit korçar. Kjo ka sjellë një reagim të mënjëhershëm nga presidenti aktual i Skënderbeut, Ardjan Takaj, i cili për “Panorama Sport” i hodhi menjëhere poshtë këto akuza dhe i quajti kategorikisht të pabaza.(REAGIMI I TAKAJT).

Ndërkohë, vetëm pak momente pasi publikoi lajmin e parë, ka qenë sërish gazeta “Krone.al” e cila ka përgënjeshtruar lajmin e parë dhe ka njoftuar se ish-futbollisti, Sanel Kuljic, duhet të vërtetojë këto akuza dhe duhet të përballet me drejtësine dhe të mbajë përgjegjësi.

Nuk ka munguar gjithashtu edhe një reagim nga Federata austriake e futbollit e cila ka paralajmëruar ish-lojtarin se për akuzat e nxjera nga goja e tij duhet të mbajë përgjegjesi dhe t’i vërtetojë me fakte, pasi pasojat do rëndojnë mbi të.

“Një konsultë e menjëhershme me Shoqatën Austriake të Futbollit, SV Mattersburg, Play Fair Code dhe veçanërisht Zyrën Federale të Policisë Kriminale ka treguar se përveç raporteve të mediave nuk ka asnjë informacion, i cili konfirmon deklaratat e Sanel Kuljiç. Besueshmëria është shpirti i sportit dhe baza për emocionin dhe pasion. Kështu që çdo dyshim që minon këtë besueshmëri duhet të merret seriozisht dhe ka nevojë për sqarim të plotë. Bundesliga dhe OFB janë duke punuar së bashku me Play Fair Code dhe BKA për të ndërmarrë të gjitha hapat e duhur. Në këtë kontekst, Lidhja Austriake e Futbollit, Shoqata Austriake e Futbollit dhe SV Mattersburg do të ndërmarrin veprime juridike kundër akuzave të Sanel Kuljic, të cilit do t’i kërkohet t’i vërtetojë akuzat e tij në media me prova thelbësore”.

Kaq mjafton për të kuptuar qartazi se deklarata e ish-futbollistit Sanel Kuljic, vjen për një arsye të vetme: i harruar nga të gjithë pasi prej dy vitesh ndodhet në qeli si një burgaxhi i rëndomtë dhe me shume akuza mbi supe, ai ka dashur të riktheje edhe njëherë vëmendjen nga vetja e tij, por mesa duket, çorba që ka gatuar do të rëndojë e gjitha mbi të, pasi tashmë duhet të përballet edhe njëherë tjetër me drejtësinë./CNA.al

KLIKO PER TE KOMENTUAR

Leave a Reply

Your email address will not be published. Required fields are marked *

Sport

E nisi nga Ballshi 7 vite më parë me vetëm 800 euro/ Historia e sulmuesit që shtangu Interin

Publikuar

-

Edhe pse Interi ishte super favorit, të paktën në letër, nuk shkoi më shumë se barazimi 1-1 ndaj çekëve të Slavia Prague. Miqtë shënuan të parët falë Peter Olayinka dhe më pas erdhi barazimi në fund me golin e Barella-s. Por, le të ndalemi pak tek ky emër Peter Olayinka. Ju duket i dëgjuar? Sigurisht, sepse sulmuesi nigerian e ka nisur karrierën në Shqipëri, tek ekipi i Bylis. Por cila është historia e tij, e sulmuesit që shtangu mbi 70 mijë tifozë zikaltër në “San Siro”?

Peter, siç e thërrisnin në Shqipëri, mbërriti në Ballsh me një rrogë shumë të ulët, thuajse 800 euro në muaj, ndërsa ishte tepër i ri. Madje, duke qenë nën moshë, Bylis u detyrua që ta huazonte për të mos u gjobitur. Peter luajti në Qipron Veriore për një sezon. Dy sezone në Ballsh, mes të rinjve dhe ekipit të parë, për t’u kthyer një bomber dhe për të rënë në sy.

Balshiotët “e peshkuan” në Nigeri, te 36 Lion FC, duke mos paguar asnjë qindarkë, edhe pse ishte minoren! Arsyeja se pse u huazua 1 vit në Qipron Veriore ishte pikërisht për t’i shpëtuar gjobës. Skënderbeu do të arrinte t’ia rrëmbente presidentit Kapllanaj për vetëm 30 mijë euro dhe bonuse, ndërsa pas vetëm dy sezonesh në Korçë, ku fitoi edhe titullin kampion dhe realizoi 16 gola në kampionat, do të vinte super shitja te Gent, në Belgjikë, për thuajse 1 mln euro.

Nga aty, disa huazime në Çeki te Dukla Prague dhe në Belgjikë te Zulte Waregen. Më pas, transferimi përfundimtar për thuajse 3 mln euro te Slavia Praga, aty ku luan prej vitit 2018…

Një ëndërr e nisur në Ballsh me 800 euro në muaj dhe që vazhdon në “San Siro”, Champions League, me gol ndaj Interit!

*Marrë te Telesport.al

LEXO TE PLOTE

Seria A

Më i bukur seksi me Georgina-n apo goli me roveshiatë kundër Juventusit?/ Ronaldo nuk ka dilema, zgjedh…

Publikuar

-

Në një intervistë të fundit për gazetarin Piers Morgan, Cristiano Ronaldo ka folur gjatë për karrierën e tij, për babain që nuk jeton më, sukseset e arritura, rivaliteti me Messin, por nuk ka ngurruar t’u përgjigjet edhe pyetjeve të tjera disi më “thumbuese”.

Morgan e pyeti portugezin, nëse goli me roveshiatë që shënoi kundër Juventusit kur luante me Realin ishte më mirë se eksperiencat në shtrat me Georgina-n?! Ronaldo nuk pati fare dyshime dhe zgjodhi të dashurën e tij.

“Mënyra se si e realizova, ndaj Buffon, në një ndeshje në Champions League, e bëjnë atë një gol të bukur. E kam provuar të shënoj një gol të ngjashëm për shumë, shumë vite. Kam shënuar, por nuk e kisha bërë këtë. Më në fund realizova me roveshatë dhe bëra realitet fiksimin tim të vjetër, por ai gol nuk është më i mirë në krahasim me eksperiencat në shtrat me Georgina-n time”, u shpreh Ronaldo. /CNA.al

LEXO TE PLOTE

BundesLiga

Barcelona me fat/ Penalltia e pritur nga Ter Stegen duhej përsëritur, ja pse

Publikuar

-

Barcelona mund ta quajë veten me fat pasi doli me një pikë nga përballja me Dortmundin, sepse mund të kishte dalë edhe pa pikë fare. Në minutën e 57′, Marco Reus kishte mundësinë e artë për të kaluar në avantazh Dortmundin, por penalltia e tij u prit nga Ter Stegen.

Megjithatë, penalltia duhej të përsëritej sepse Ter Stegen del me të dyja këmbët jashtë vijës së tij, ndërkohë që me rregullat e reja të këtij sezoni, njëra këmbë duhet të jetë në vijë.

Edhe pse ky detaj mund t’i ketë shpëtuar arbitrit, duhej të ishte sinjalizuar nga VAR-i, që penalltia duhej përsëritur. Kritikat në rrjetet sociale dhe jo vetëm, kanë qenë të shumta në këtë rast. /CNA.al

LEXO TE PLOTE