Connect with Us

Mourinho “tradhton” Interin/ Zbulon klubin ku ka kujtimet më të bukura të karrierës

La Liga

Mourinho “tradhton” Interin/ Zbulon klubin ku ka kujtimet më të bukura të karrierës

Publikuar

-

Jose Mourinho ka pasur fatin dhe mundësinë të drejtojë disa nga ekipet më të mëdha të Europës, ku dhe ka fiuar trofe të shumtë. Sigurisht që do të mbahet mend gjatë për tripletën që fitoi me Interin në vitin 2010, por suksesi nuk ka munguar as në klubet e tjera.

Në një intervistë të fundit, 56-vjeçari ka zbuluar klubin ku ka kaluar momentet më të bukura të karrierës dhe nuk është Interi.

“Real Madridi ishte eksperienca ime më e bukur për shkak të gjërave që mësova si trajner, por edhe si njeri. Tre vitet në Madrid (2010-2013) janë një përvojë e jashtëzakonshme. Aty janë kujtimet më të bukura të karrierës time, ishte fantastike të drejtoje atë klub. Ato që më kërkuan te Reali ishin brenda natyrës time. Më thanë se kisha ekipin më të mirë në botë në krahun tjetër (Barcelona), se po na shkatërronin dhe situata duhej të ndryshonte” tha trajneri portugez.

Mourinho fitoi me Reali tre trofe: Kupën e Mbretit, Superkupën dhe La Ligën. Në Champions League shkoi tre herë rresht deri në gjysmëfinale. /CNA.al

KLIKO PER TE KOMENTUAR

Leave a Reply

Your email address will not be published. Required fields are marked *

La Liga

Plas te Reali/ Perez lodhet me Sergio Ramos, piketon dy “bishat” e Serisë A

Publikuar

-

Gjatë Asamblesë së Përgjithshme të Real Madridit, që u mbajt ditën e djeshme, ka pasur zëra të shumtë kundër kapitenit, Sergio Ramos.

“Thuaji Ramosit të mos postojë çdo ditë në Instagram”, “Me atë kapelën rozë duket si një turist suedez”, “Ekipi po humbte ndaj Ajaxit në çerekfinale, ndërsa kapiteni po regjistronte live dokumentarin e tij”, këto ishin disa nga zërat kundër mbrojtësit spanjoll që iu drejtuan presidentit Florentino Perez.

Marrëdhënia mes Ramos dhe Perez ka kohë që ka pësuar krisje, pasi gjatë verës 33-vjeçari donte të largohej në Kinë, por nuk u lejua nga numri një i klubit madrilen. I gjendur në këtë situatë, Perez ka filluar nga puna për të gjetur zëvendësuesin ideal të Ramos dhe dy janë alternativat kryesore, Kalidou Koulibaly i Napolit dhe Milan Skriniar i Interit. /CNA.al

LEXO TE PLOTE

La Liga

Barça publikon listën e Champions League/ A do të luajë Messi?

Publikuar

-

Barcelona ka zbuluar pak minuta më parë listën e lojtarëve që janë grumbulluar për ndeshjen e nesërme në Champions League kundër Dortmundit. Edhe pse akoma nuk e ka marrë vetën plotësisht nga dëmtimi, Lionel Messi është pjesë e listës së lojtarëve katalanas për këtë ndeshje. Argjentinasi akoma nuk ka debutuar këtë sezon të ri për Barcelonën.

A do të zbresë Messi në fushë? Sipas raportimeve të mediave spanjolle, Leo nuk do ta nisë nga minuta e parë, por për të do të ketë disa minuta në dispozicion në pjesën e dytë. Ndërkohë, Ousmane Dembele vazhdon të jetë i dëmtuar dhë ende nuk dihet se kur do të jetë gati. /CNA.al

LEXO TE PLOTE

La Liga

”Ik mbushu”/ Ish-ylli i Barcelonës përjashtohet në ndeshjen e parë si trajner

Publikuar

-

Victor Valdes është një nga protagonistët e Barcelonës, që dominoi futbollin në vitet 2006-2011, ku fitoi shumë trofe. Me tërheqjen nga futbollit, portierit spanjoll iu besua roli i trajneri për U-19, po te Barcelona.

Në ndeshjen e tij të parë si trajner, Victor Valdes, u përjashtua nga ndeshja për shkak të gjuhës fyese ndaj arbitrit. Sipas të përditshmes spanjolle “Sport”, 37-vjeçari i tha ”ik mbushu” arbitrit, pasi ky i fundit dha një faull kundër Barcelonës.

Të rinjtë e Barçës fituan 1-0 me një gol të Nico Gonzalez, por në fund të ndeshjes pati goxha tensione, gjë që solli dhe nervozizmin e Valdes. Ende nuk dihet nëse do të ketë ndonjë dënim tjetër nga Federata, për gjestin e trajnerit të ri të katalanasve. /CNA.al

LEXO TE PLOTE