Connect with Us

Josa: E prisja shpërthimin e Olainkës, ai dhe ish-lojtari tjetër i Skënderbeut kanë qenë dy më të mirët

Sport

Josa: E prisja shpërthimin e Olainkës, ai dhe ish-lojtari tjetër i Skënderbeut kanë qenë dy më të mirët

Publikuar

-

Peter Olainka është një emër i dëgjuar shumë në Shqipëri duke qenë se shkëlqente dikur me fanellën e Bylisit dhe Skënderbeut duke shënuar e dhuruar spektakël. Edhe ata që ndoshta e kanë harruar, e kanë kujtuar mbrëmjen e djeshme falë golit që arriti t’i shënonte Interit në “San Siro”, duke i marrë barazim në ndeshjen e parë të Ligës së Kampionëve.

Një nga njerëzit që e njeh më mirë Olainkën, është padyshim Mirel Josa i cili e ka stërvitur me Skënderbeun në vitet më të lavdishme të skuadrës korçare. Në një intervistë për “VipSport.al”, Josa ka vetëm fjalë të mira për të, duke e konsideruar një njeri me karakter më shumë se futbollist të mirë. Ai shprehet se priste që Olainka të shpërthente më herët, ndërkohë që suksesi aktual nuk e çudit aspak ish-trajnerin e tij.

Profesor, Olainka i shënon Interit ndërsa pak vite më parë stërvitej nga ju. Si e mbani mend si futbollist?
Ishte një lojtar i vlefshëm për ne kur e stërvita te Skënderbeu. Ai bënte dy fazat e lojës si mbrojtje dhe sulm. Këtë nuk e ka treguar vetëm në Korçë por edhe te Ballshi. Atij ia kishte vënë syrin presidenti që më para sepse ishte edhe karakter i mirë dhe kjo u duk nga momenti që shkoi dhe firmosi për skuadrën belge pasi iku nga ne. Ai kishte edhe 4-5 ndeshje që të përfundonte faza dhe u kthye direkt dhe luajti me përkushtim më të madh deri në ndeshjen e fundit të kampionatit ku u mundëm në Vlorë.

A e prisnit që do të ishte një lojtar, për të cilin të fliste Europa?

E prisja më para që të ishte këtu, që kur luante në Belgjikë sepse siç thashë luante në dy fazat dhe ka dy-tre pozicione. Në Çeki luan si lojtar krahu ndërsa dje luajti si qendërsulmues dhe një lojtar që luan kështu, preson i vetëm mbrojtjen dhe janë venat e një futbollisti të mirë.

A ndjeni se keni edhe ju një kontribut në suksesin e tij pasi e keni trajnuar?
Kanë më shumë drejtuesit e klubit dhe kam thënë se më duhet ky lojtar. Unë vetë nuk kam kontribut sepse është përgjigjur për kërkesat e trajnerit. E vlerësoj si karakter fillimisht dhe pastaj si futbollist. Ai mbylli kontratën në Belgjikë pastaj erdhi duke luajtur me nivel shumë më të mirë si në fillim, gjë e cila nuk ndodh dhe normalisht, do të ikte pas pak javësh.

A mendon se ka një Olainka tjetër në Shqipëri?
Nuk dua të merrem me krahasime me të tjerët por shpresoj që të dalë ndonjë lojtar tjetër sa gjysma e këtij futbollisti.

Çështja që diskutohet shpesh, është në lidhje me futbollistin e huaj më të mirë. A është Olainka më i miri?
Jam pyetur shpesh herë edhe për formacionin më të mirë që kam pasur, por unë nuk dua të bëj krahasime. Nuk më pëlqen të krahasoj futbollistët por mund të them se ky dhe Orelesi kanë qenë ndër më të mirët që kam stërvitur nga futbollistët e huaj.

KLIKO PER TE KOMENTUAR

Leave a Reply

Your email address will not be published. Required fields are marked *

" "

Sport

Champions League/ Manchester City turpëron Gjimshitin me shokë

Publikuar

-

Manchester City ka fituar 5-1 ndaj Atalantës në “Etihad Stadium” për javën e tretë të Champions League. Mbrojtësi kuqezi, Berat Gjimshiti, luajti nga minuta e parë në këtë ndeshje. Italianët kaluan të parët në avantazh me golin e Malinovsky nga pika e bardhë e penalltisë në minutën e 28′. “Qytetarët” përmbysën gjithçka me dy golat […]

LEXO TE PLOTE
" "

Sport

Bayerni del me 3 pikë nga Pireu/ Juventusi përmbys gjithçka në dy minuta

Publikuar

-

Në Grupin B, Bayern Munich fitoi 2-3 në Pire ndaj Olympiacos. Miëtq shënuan të parët me El Arabi 23′, bavarezët përmbyën rezultatin me dy golat e Lewandowskit 34′, 62′, dhe supergolin e Tolisso 75′. Grekët ngushtuan rezultatin me golin e Guilherme 79′. Në ndeshjen tjetër të këtij grupi, Tottenhami fitoi 5-0 ndaj Crvena zvezda. Klasifikimi […]

LEXO TE PLOTE
" "

Sport

Shpëton Zidane/ Icardi, Di Maria dhe Mbappe fitojnë me “manita”

Publikuar

-

Janë mbyllur dy ndeshjet e Grupit A për javën e tretë të Champions League. Në Brugge, PSG-ja fitoi 0-5 ndaj vendasve të Club Brugge. Tre gola nga Mbappe dhe dy nga Icardi, ndërsa Di Maria dha 3 asiste. Në Stamboll, një gol i Toni Kroos 18′ i dha fitoren Realit kundër Galatasaray. Kjo fitore mban […]

LEXO TE PLOTE