Connect with Us

Kosta Grillo: Mirsad Jonuz nuk ka ardhur në Shkodër për para, ja kush është ai në të vërtetë

Sport

Kosta Grillo: Mirsad Jonuz nuk ka ardhur në Shkodër për para, ja kush është ai në të vërtetë

Publikuar

-

Mirsad Jonuz është personazhi kryesor sot në Shkodrën e futbollit. Pas një sezoni në Kategorinë e Parë, Vllaznia po shijon kreun e renditjes në Superiore dhe një meritë të madhe për këtë ka pa dyshim trajneri i lindur në Maqedoni. Emri dhe mbiemri i tij të krijon përshtypjen se ka origjinë shqiptare, por Jonuz është 100% boshnjak. Në vitet e fundit 57-vjeçari është përfolur jo pak herë si kandidat për pankinat e disa skuadrave shqiptare.

Megjithatë, vetëm në muajin korrik të këtij viti vendosi të merrte drejtimin e Vllaznisë. Trajneri që ka si kulm të karrierës së tij kombëtaren e Maqedonisë së Veriut, duke qenë në krye të saj nga viti 2009 deri në 2011, ka krijuar një lidhje të fortë me Shqipërinë kur takoi për herë të parë menaxherin Kostandin Grillo, i cili është njëkohësisht një prej komentatorëve më të njohur në vend. “Ka qenë nëntori i vitit 2010 kur u takuam për herë të parë. Luante Shqipëria me Maqedoninë në Korçë. Biseduam dhe ruajtëm kontaktet, pasi unë si menaxher kisha interes ta propozoja në disa klube në Qipro.

Në vitin 2012, sapo ishte larguar nga drejtimi i Maqedonisë, e kontaktova direkt dhe ndërmjetësova kalimin e tij te klubi qipriot, Nea Selamina. E mori skuadrën me 7 pikë në fund të tabelës, por e shpëtoi nga rënia dhe iku më pas si hero”, tregon Grillo ekskluzivisht për “Panorama Sport” për kontaktin e parë që ka pasur me trajnerin e Vllaznisë.

OFERTA NGA KUKËSI DHE BIZNESI FASON

Por kush është Jonuz dhe pse qëndroi gjashtë vite pa punë pasi iku nga klubi qipriot. Grillo rrëfen edhe prapaskenën e shtatorit të vitit 2013. “Pas largimit nga Nea Selamina, e kam propozuar direkt te Kukësi. Fola me presidentin Safet Gjici dhe e mirëpriti, duke parë edhe CV-në e tij.

Jonuz erdhi nga Maqedonia dhe biseduam për orë të tëra në qytetin e Kukësit me zotin Gjici. Mbaj mend në atë kohë sapo ishte shkarkuar Armando Cungu. Ramë dakord për gjithçka dhe paga e Jonuzit do të ishte 3500 euro në muaj. Mirëpo, në momentet e fundit, kur dhe do të nënshkruhej  zyrtarisht kontrata, zoti Gjici kërkoi të shtonte si pikë në marrëveshje kushtin për t’u shpallur kampion.

Pra, që Jonuz të merrte përsipër shpalljen kampion të Kukësit. Trajneri u habit nga kjo klauzolë, duke e cilësuar të çuditshme. Menjëherë u tërhoq dhe bisedimet nuk vazhduan, pasi nuk mund të pranonte një marrëveshje të tillë”, zbulon Grillo, i cili jep edhe disa detaje të panjohura për trajnerin aktual të kuqebluve. “Mirsad është një njeri i jashtëzakonshëm, shumë punëtor dhe mbi të gjitha serioz. Një xhentëlmen i vërtetë, që të imponon respekt.

Dikush mund të mendojë se ka ardhur në Shkodër për para, por gabohet. Po ju zbuloj se ai është pronar i një biznesi fason prej shumë vitesh, që merret me prodhimin e shportave dhe disa produkteve të këtij lloji. Fabrika në pronësi të tij është në qytetin e Kumanovës, aty ku ai ka shumë miq shqiptarë.”/Panorama Sport/

KLIKO PER TE KOMENTUAR

Leave a Reply

Your email address will not be published. Required fields are marked *

Kombëtare

A do rinovojë Edi Reja? Duka: Tani duhet të ulemi në tavolinë dhe…

Publikuar

-

Nga

Presidenti i FSHF, Armand Duka, foli pas fitores 0-4 me Moldavinë, në mikrofonin e “Supersport”. Teksa komplimentoi të rinjtë që debutuan me Kombëtaren, Duka foli edhe për rinovimin e Rejës, teksa u shpreh se tani pret të ulet me të, dhe të vendosë për strategjinë e të ardhmes, duke lënë të kuptohet se do rinovohet […]

LEXO TE PLOTE

Kombëtare

Ka krijuar një super ekip, Edi Reja lëshon edhe deklaratën e madhe pas ndeshjes

Publikuar

-

Nga

Edi Reja u shpreh mjaft i lumtur pas ndeshjes kundër Moldavisë, aty ku fituan 4-0. Ai u shpreh se po ndërtohet një skuadër e vërtetë dhe me shumë cilësi. Për “Supersport” shtoi se edhe debutuesit bënë paraqitje të mirë. “Ndeshje të tilla janë të vështira por më vjen mirë për djemtë sepse ishin shumë të […]

LEXO TE PLOTE

Sport

Portugalia humbet, Cristiano Ronaldo shkruan historinë

Publikuar

-

Portugalia është mundur 2-1 në Kiev nga Ukraina, në ndeshjen eliminatore për Euro 2020. Golin e vetëm për portugezët e shënoi Cristiano Ronaldo në minutën e 72′ nga pika e bardhë e penalltisë. CRISTIANO RONALDO 700 CAREER GOALS. Greatest. pic.twitter.com/hgHgq3ELks — UEFA Europa League (@Europaleaggue) October 14, 2019 Ky gol ka një rëndësi tepër të […]

LEXO TE PLOTE