Connect with Us

“Bomba” e Hallaçit: Kam folur me presidentin, pse mos jem unë trajner i Kukësit!?

Sport

“Bomba” e Hallaçit: Kam folur me presidentin, pse mos jem unë trajner i Kukësit!?

Publikuar

-

Kukësi është një nga ekipet shqiptare që ka marrë më shumë rezultate në vendin tonë përgjatë këtyre viteve të fundit. Një moment jo të mirë po kalon aktualisht, që sigurisht ndikojnë sadopak edhe largimet e figurave ikonë.

Rrahman Hallaçi ishte një prej figurave që i ka dhënë aq shumë Kukësit si futbollist, por njëkohësisht edhe nga pankina si zëvendës trajner. Aktualisht po drejton ekipin e të rinjëve te “Internacionali”, por siç e thotë edhe vetë, dera te verilindorët është gjithmonë e hapur për të. Në një rrëfim për “Sport Ekspres”, Hallaçi tregon edhe objektivin e tij për të marrë Kukësin si trajner i parë.

Je trajneri i një akademie. Si po ecën kjo eksperiencë e re dhe cfarë kënaqësie fiton kur trajnon të rinjtë?

Eksperienca ime e dytë, pasi kam qenë edhe zëvendës trajner. Eksperiencë shumë e mirë për mua. U-19 është si skuadra e parë, pasi stërviten njësoj si ekipi i të rriturëve. Po i ndihmoj ata, si po më ndihmojnë mua. Kënaqësi e veçantë të punosh te akademia e “Internacionalit” pasi ka kushte të mira dhe ne kemi një objektiv për të marrë kampionatin.

Kur i sheh ato djelmosha dhe akademitë që po shtohen në Shqipëri. Kur mund t’i marrim frytet që grupmoshat tona Kombëtare të furnizohen pikërisht me këto produkte?

Thjesht duhet vetëm sa më shumë vëmendje dhe të mos mendohet se në akademi nuk ka futbollistë. Jo të mendojmë se lojtarët nga jashtë bëjnë gjithmonë diferencën. Mendoj se është e kundërta, ka shumë lojtarë cilësorë te akademia jonë dhe te grupmoshat e tjera te “Internacionalit”. Kemi shumë talente që duhet t’i shohin.

Po çfarë kushtesh ka realisht kjo akademi, në kuptimin për t’i krahasuar me ato jashtë përshembull?

Unë është hera e parë që gjendem në një akademi, jam stërvitur vetë te Internacionali. Kur kam parë kushtet dhe ishte një nga arsyet kryesore se përse erdha. Ka pesë fusha dhe bazë materiale të mjaftueshme. Kështu u binda për të marrë skuadrën dhe te “Internacionali” ke kushte për të punuar si në çdo vend të Europës.

Ndalemi pak te Kukësi. Rezultatet që janë marrë deri tani, si i vlerësoni? Mund të bëhej me shumë? Pasi vijueshmëria mungon si te rezultatet dhe sulmi Gavazaj-Shkurtaj-Abazaj.

Si Gavazaj dhe Abazaj janë lojtarë shumë cilësorë. Ndoshta për momentin nuk janë harmonizuar si duhet. Kërkohet dhe pak kohë dhe do të jenë lojtarët kryesorë te Kukësi. Por Kukësi nuk duhet të bazohet vetëm te ata pasi ka shumë elemente të tjerë cilësorë. E shoh për pak kohë në krye të kampionatit dhe si rivalin kryesor të Partizanit për titull.

Pra këto dy ekipe do të luftojnë për titull sipas jush?

Kukësin dhe Partizanin, pastaj shoh ekipet e tjera kur flitet për luftën e titullit.

Tifozët janë më të pakët në krahasim me periudhën e mëparshme. Cila është arsyeja, mund të ketë ndikim sadopak edhe largimi i figurave ikonë?

Për mua është normale kjo, pasi Kukësi nuk luan në qytetin e tij. Tifozët janë të justifikuar. Nëse luhet në Kukës, stadiumi mbushet. Në 8 vite Kukësi ka marrë rezultate shumë të mira dhe nuk ka mbetje hatri nga tifozët. Unë jam në brendësi të ekipit. Asnjë tifoz kuksian nuk është i mërzitur, pavarësisht ndonjë humbje të momentit dhe Kukësi aty afër kreut është.

Kur do ta shohim Hallaçin me post të lartë te Kukësi?

E kam derën e hapur gjithmonë dhe kam folur me presidentin. Ai e di dashurinë time për atë fanellë. Unë po marrë një eksperiencë te të rinjtë dhe po marrë përvojën, e kam filluar për të kuptuar vetë sesi është të jesh trajneri i parë. Pastaj në të ardhmen pse jo, që nga ish-kapiteni i ekipit të jem trajneri i Kukësit.

Si të duket kampionat shqiptar në tërësi? Më shumë enigmatike mbetet Skënderbeu. Trajneri Daja ka thënë që mos prisni Skënderbeun e mëparshëm, por sërish janë në vendin e parë. Pra, cfarë Skënderbeu pret?

Skënderbeu duke parë edhe trajnerin është ta respektosh, pasi Daja i ka dhënë provat si trajner. Por Skënderbeu ka problemet e veta dhe që i dinë të gjithë, nuk kemi pse i përmendim prapë. Unë i uroj më të mirat, por Skënderbeu nuk mund të dalë para Kukësit, Partizanit apo Tiranës në fund të kampionatit. Nuk mundet të shkoj deri atje. Edhe ata kanë lojtarë të mirë, është e pamundur që të kaloj Kukësin se ka ekip të kompletuar.

E meqë folëm për Dajën, u vetëofrua për Kombëtaren. Si e sheh këtë çështje, janë aftësitë për të na drejtuar një trajner shqiptar?

Në mënyrë absolute ka trajneri shqiptar që lexojnë dhe dinë shumë për këtë detyrë. Si puna e futbollistëve, që shihen më mirë nëse vijnë nga jashtë. Ne duhet të bindemi që trajnerët shqiptar kanë aftësitë e duhura. Lexojnë dhe studiojnë shumë. Po bindemi se trajnerët nga jashtë nuk janë më të mirët se këta këtu. Çdo trajner si Duro, Daja, Starova kanë aftësi për të drejtuar në nivele të larta ekipet kombëtare. /Sport Ekspres/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

" "

Sport

Derbi luhet të premeten, ja kur do zhvillohen ndeshjet e tjera të javës së 15-të

Publikuar

-

Nga

Java e 15-të e Kategorisë Superiore do të luhet në dy ditë. Gjithçka do të nisë ditën e premte me derbin e kryeqytetit, mes Partizanit dhe Tiranës, sfidë e cila është programuar të startojë në orën 19:00. Dita e premte i kushtohet vetëm supersfidës së kreqytetit dhe kështu ndeshjet e tjera do të luhen të […]

LEXO TE PLOTE
" "

Sport

Shkurtaj: Do më vriste nëse do e humbja penalltinë ndaj Tiranës

Publikuar

-

Nga

Kukësi mundi Tiranën në “Selman Stërmasi” me përmbysje dhe në kampin verilindor janë të gjithë të kënaqur. Vasil Shkurtaj, ishte ai që shënoi golin e barazimit me penallti, dhe hapi rrugën për përmbysjen. Sulmuesi i Kukësit, ishte i ftuar, në emisionin “Rubrika Sportive”, teksa ka folur për sfidën e së shtunës skundër bardhebluve. “Ishte një […]

LEXO TE PLOTE
" "

Seria A

Pritja e De Biazit merr fund, ish-trajneri i kombëtares gati të marrë në drejtim ekipin e Serisë A

Publikuar

-

Nga

Xhani De Biazi kthehet përsëri mes kandidatëve për të marrë drejtimin e një klubi në Serinë A. Ish-trajneri i përfaqësueses shqiptare ka qenë sot në tribunë në ndeshjen mes Spal dhe Breshias, pasi është kandidat kryesor për t’u ulur në pankinën e skuadrës së Eterit Berishës. Spal u mund sot nga Breshia me shifrat 1-0 […]

LEXO TE PLOTE
" "

Sport

Skandali në Superligë, FSHF harron të pezullojë futbollistin e Partizanit

Publikuar

-

Nga

Futbolli shqiptar do duhen vite të pastrohet. Vetë mënyra se si funksionojnë klubet, mënyra se si shteti e sheh atë, mënyra se si organizohet gara, lë shtigje të pafundme për të gjetur probleme. Gjithsesi  nuk mundet që në vitin 2019, kur presidenti i UEFA-s vjen dhe inauguron një stadium ku pretendojmë të organizojmë një finale […]

LEXO TE PLOTE