Connect with Us

Daja: Ja pse u riktheva te Skënderbeu, më frymëzon Pep Guardiola

Sport

Daja: Ja pse u riktheva te Skënderbeu, më frymëzon Pep Guardiola

Publikuar

-

Titull kampion me Elbasanin, më pas me Dinamon dhe dy sezone të mrekullueshme te Skënderbeu, ku jo vetëm fitoi kampionatin dhe Kupën e Shqipërisë, por theu një rekord, pasi arriti të kalojë katër ture në Ligën e Europës, si askush më parë, duke futur për herë të dytë në fazën e grupeve korçarët.

Ilir Daja mbushi të dielën 53 vjeç dhe pasi festoi me miqtë e tij më të ngushtë, pranoi të fliste ekskluzivisht për “Panorama Sport”, në një intervistë ndryshe, nga ëndrrat që ka, te trajnerët që e frymëzojnë dhe deri tek oferta e Shkëndijës së Tetovës.

Si është të jesh 53 vjeç?

Një jetë e tërë e kaluar në sport. Edhe po të kisha mundësi ta ndryshoja, do të bëja të njëjtën gjë, pasi është një profesion që e kam marrë që në moshën 10-vjeçare dhe sot e kësaj dite nuk jam shkëputur. Vazhdoj prej 25 vitesh trajnim me suksese e vështirësi, por i shpërblyer me rezultate dhe arritje të mira

Cili është pengu më i madh që keni dhe diçka që nëse do të ktheheshit pas në kohë do ta bënit më mirë?

Nuk kam shumë pengje, pasi gjithmonë me çdo ekip duke filluar nga moshat e vogla kam marrë kënaqësi. Peng, nëse mund të quhet i tillë, mbetet mosvijimësia e ciklit të suksesshëm me Skënderbeun për ta provuar në nivelin më të lartë. Pavarësisht se për aq sa kemi arritur mund të them pa më të voglin dyshim se mbetet arritje historike në futbollin shqiptar.

Cili trajner ju frymëzon në futbollin botëror?

Me periudha të ndryshme kam pasur frymëzim nga disa. Gjatë gjithë kohës kam dashur të jem vetvetja. Guardiola ka qenë gjithmonë një frymëzim për mua, por Klopin e pëlqej për stilin agresiv që përdor për të shkuar te porta.

Çfarë përgjigjeje do u jepnit atyre që mendojnë se Daja i është futur një aventure në këtë rikthim në Korçë?

I kam pasur qejf aventurat, por rikthimi në Korçë ishte një “borxh” që ia kisha këtij qyteti, pavarësisht se mbylla kontratën dhe kërkova motiv tjetër. Doja që edhe në këtë moment goxha të vështirë të isha prapë këtu, pasi të ofron kushte për të punuar i qetë dhe të marrësh maksimumin nga puna që bën.

Është e vërtetë që keni refuzuar Shkëndijën e Tetovës?

Dua të jem i vërtetë, pavarësisht se Shkëndija e ka trajnerin tani. Në momentin që Shkëndija largoi trajnerin, kam pasur ofertë, gjë që më ka bërë të hyj në bisedime. Por, duke parë se kisha një kontratë me Skënderbeun, marrëveshja ishte e vështirë.

KLIKO PER TE KOMENTUAR

Leave a Reply

Your email address will not be published. Required fields are marked *

Kombëtare

Reja i zhgënjyer: Ja çfarë nuk më pëlqeu sonte te ekipi

Publikuar

-

Nga

Edi Reja, trajneri i Kombëtares, ka folur për mikrofonin e “Supersport”, pas ndeshjes duke thënë: Barazimi ndaj Andorrës? “Nuk mund të jemi të kënaqur me këtë ndeshje që kemi bërë. Nuk më pëlqeu qëndrimi i disa lojtëreve në fushë, nuk më pëlqeu loja, por as rezultati”. Golat e pësuar? “Sot u treguam mëndjelehtë, na vuri në vështirësi […]

LEXO TE PLOTE

Kombëtare

Balaj: E pabesueshme të të shënojë Andorra dy gola

Publikuar

-

Nga

Bekim Balaj, sulmuesi i Kombëtares, ka folur për mikrofonin e “Supersport”, dhe është shprehur shumë i zhgënjyer për barazimin ndaj Andorrës, ku sipas tij duhet të ishte bërë më shumë. “Sigurisht që mund të bënim shumë më tepër. Nuk duhej ky barazim në shtëpi. Ndeshja nisi mirë, shënuam shpëjt. Por të vjen keq që morëm […]

LEXO TE PLOTE

Sport

Eliminatore Euro 2020: Anglia dhe Portugalia shpartallojnë kundërshtarët, Franca fiton me përmbysje

Publikuar

-

Portugalia ka shpartalluar Lituaninë me rezultatin tenistik 6-0 në Estadio Algarve të Faro/Loule. Kampionët në fuqi të Europës kanë shfaqur një formë fantastike në shtëpi duke hedhur një tjetër hap të rëndësishëm për kualifikimin. Megjithatë, lufta me Serbinë do të jetë e fortë teksa edhe ballkanasit e kanë fituar sfidën e tyre ndaj Luksemburgun me […]

LEXO TE PLOTE