Connect with Us

Sonte luajmë ndaj Andorrës, ja si pritet të jetë formacioni i kuqeznjve

Kombëtare

Sonte luajmë ndaj Andorrës, ja si pritet të jetë formacioni i kuqeznjve

Publikuar

-

Shqipëria luan sot për rekord pikësh. Për ballë është Andorra modeste dhe një fitore i fut në histori kuqezinjtë, sa u përket pikëve të grumbulluara në një edicion eliminator të vlefshëm për Europianin apo Botërorin.

Asnjëherë më parë Shqipëria nuk ka shkuar në kuotën e 15 pikëve, por tashmë ka shansin që, me triumfin ndaj Andorrës, ta bëjë realitet edhe këtë statistikë. Më parë kuqezinjtë kanë marrë maksimalisht vetëm 14 pikë në eliminatoret e “Euro 2016”, kur nën drejtimin e Xhani De Biazit, Shqipëria u kualifikua për herë të parë në Europian. Më 14 tetor të këtij viti skuadra e Rejas theu rekordin e golave pas fitores me Moldavinë 0-4. Më parë Kombëtarja nuk kishte shënuar kurrë 14 gola pas tetë ndeshjeve eliminatore.

NDRYSHIMET – Kuqezinjtë do t’u japin fund përgatitjeve për ndeshjen ndaj Andorrës vetëm sot në mëngjes, kur edhe Reja ka planifikuar të kryejë një stërvitje të lehtë në Durrës në prag të ndeshjes që do të zhvillohet në orën 20:45 në stadiumin “Elbasan Arena”.

Ai që prishi planet e trajnerit në seancën e djeshme ishte sulmuesi Florian Kamberi, i cili pësoi një dëmtim në kavilje dhe e la stërvitjen në mes. Burime pranë stafit të Kombëtares treguan për “Panorama Sport” se situata e lojtarit që pritet të debutojë me fanellën kuqezi do të verifikohet edhe një herë sot për të vendosur nëse do të luajë apo jo. Gjasat janë që të mos aktivizohet, për më tepër që deri dje nuk kishte ardhur as konfirmimi nga FIFA për federimin, duke qenë se më parë është aktivizuar me Zvicrën U-21 dhe janë disa procedura burokratike mes palëve për të mbyllur dokumentacionin.

Ndërkohë, nisur nga ato që ka provuar në seancat e fundit në Durrës, gjasat janë që në portë ta nisë Berisha, ndërsa në mbrojtjen me tre do të rreshtohen Ismajli, Gjimshiti dhe Veseli. Ndryshimet më të mëdha janë në mesfushë, por Reja ka dilema për krahët. Ai është i dyzuar për të hedhur në të djathtë Hysajn që rikthehet nga dëmtimi apo Roshin.

Në krahun tjetër, në balotazh për një vend janë Memolla e Trashi. Në qendër të mesfushës pritet të aktivizohen tre lojtarë të rinj, si Selahi, Ramadani dhe Ndoj, duke ruajtur Baren për Francën. Mungesë e sigurt, për shkak kartonësh, është Klaus Gjasula, që do të jetë gati ndaj “Gjelave”. Me dëmtimin e Kamberit, sulmi kuqezi sot do të jetë Uzuni-Balaj./Panorama Sport

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Kombëtare

Berisha: Hysaj më i vështiri, si na ndryshoi jetën Koronavirusi

Publikuar

-

Nga

Profili në “Instagram” apo çdo rrjet social është shpesh treguesi kryesor për shumëçka nga jeta e secilit prej nesh. Po të futesh te llogaria e Etrit Berishës në “Instagram”, ka një oktapod. E pikërisht, si një i tillë mbase në fushë shqiptari është jo me dy, por shumë tentakula që i kanë mjaftuar për ta […]

LEXO TE PLOTE

Kombëtare

Barcelona nuk e lejoi Labinot Kabashin të luante për Kosovën

Publikuar

-

Nga

Labinot Kabashi ishte ftuar te Kombëtarja e Kosovës si 16 vjeçar. Ai është pjesë e Barcelonës dhe llogaritet si njëri nga yjet e ardhshëm të klubit katalunas. Albert Bunjaki e kishte ftuar Kabashin, kur ky ishte vetëm 16 vjeçar. Labi kishte shkëlqyer në stërvitjet te Kosova dhe ish-trajneri i Dardanëve dëshironte ta inkuadronte të paktën […]

LEXO TE PLOTE

Kombëtare

Kombëtaren shqiptare e refuzoi, Besnik Hasi: Mund të drejtoj Kosovën

Publikuar

-

Nga

Ish-kapiteni i Kombëtares shqiptare, Besnik Hasi nuk e ka përjashtuar mundësinë që në një ta ardhme ta marrë drejtimin e përfaqësueses së Kosovës. Në një intervistë dhënë emisionit sportiv të KTV “Sporti Total”, ish-trajneri i Anderlehti, Olimpiakosit, Legias, etj, ka vlerësuar lartë ngritjen e Kosovës dhe beson se ka një të ardhme të ndritur. “Me Kosovën […]

LEXO TE PLOTE
Lajme të Rekomanduara: