Connect with Us

Zgjohet Skënderbeu, piketon dy super lojtarë për merkaton e janarit

Sport

Zgjohet Skënderbeu, piketon dy super lojtarë për merkaton e janarit

Publikuar

-

Merkatoja nuk është hapur ende, por në Korçë kanë filluar të bëjnë planet për afrimet. Veç tratativave që po bëjnë për të shitur ndonjë lojtar dhe rrjedhimisht shtuar të ardhurat në “arkë”, prurjet duken të domosdoshme.  Burime të sigurta pranë klubit bëjnë me dije për “Panorama Sport” se korçarët kanë planifikuar dy blerjet e para. Dhe në listë janë Vangjel Zguro dhe Donald Rapo.

ZGURO – Bardhekuqtë po interesohen gjithnjë e më shumë për mbrojtësin pogradecar. Vangjel Zguro duket se e ka mbyllur aventurën e tij në Shtetet e Bashkuara të Amerikës. Ai aktivizohej në Ligën e Tretë te Shatanoga Red Volves dhe me kontratën që i mbyllet pikërisht në fund të këtij muaji, një rikthim në Shqipëri nuk do të ishte i habitshëm.

Dhe përshtatja me ngjyrat nuk do të ishte e vështirë, derisa ekipi në SHBA njihet me emrin “Ujqërit e Kuq”. 26-vjeçari ka përfunduar në “lupën” e Skënderbeut dhe ata e shohin si një përforcim të vlefshëm për prapavijën. Me Zguron që është i aftë të mbulojë dy pozicione në krahun e majtë, si në mbrojtje dhe mesfushë, korçarët do të kishin një armë plus për të mbajtur ekuilibrat në një prapavijë që pëson realisht shumë, konkretisht 21 gola në 12 javë.

RAPO – Nuk është i vetmi që pëlqehet, pasi në listë është përfshirë edhe Donald Rapo. Mesfushori i Luftëtarit njëherazi edhe kapiten i këtij ekipi, shihet si një transferim i mundshëm në Korçë. Aq më tepër kur palët kanë qenë pranë një akordi edhe gjatë verës, por për shuma të vogla financiare marrëveshja nuk u arrit. Me Gjergj Muzakën që praktikisht e ka mbyllur sezonin me atë dëmtim që pësoi disa javë më parë, Skënderbeu ka menduar t’i rikthehet pistës “Rapo”.

Ashtu si Zguro, edhe korçari është i aftë të mbulojë disa pozicione në fushën e lojës dhe kjo duket se e ka joshur Skënderbeun që ta përfshijë në plane. Problem i vetëm mbetet kontrata sezonale që e mban të lidhur Donald Rapon me gjirokastritët. Kur jemi ende një muaj e gjysmë larg nga hapja e merkatos, zërat e afrimeve janë bërë më të fortë, por “sekreti” qëndron te largimet. Nëse Skënderbeu largon ndonjë futbollist në këtë merkato, atëherë do e ketë më të thjeshtë për të pasuruar organikën në hyrje.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Sport

Kapiteni serb i Laçit: Ja çfarë do bëjmë nëse kampionati nuk nis deri më 1 qershor

Publikuar

-

Nga

Aleksandar Ignjatoviç ndien mall për futbollin. Shëndeti realisht ka rëndësi, e megjithatë mendon se ka ardhur koha që t’u rikthehen fushave. Kapiteni i Laçit në tri ndeshjet e fundit, në një intervistë ekskluzive për “Panorama Sport” rrëfen se karantinën po e kalon në Tiranë dhe se stërvitjen nuk e ka lënë asnjë ditë pas dore, […]

LEXO TE PLOTE

Sport

U largua nga Partizani në janar, flet mesfushori: Këtu ka më shumë dele se njerëz, do rikthehem në Shqipëri

Publikuar

-

Nga

Alesio Hyseni kaloi një periudhë të vështirë te Partizani, teksa në janar vendosi të largohet nga të kuqtë, duke kaluar te skuadra e Klaksvik, në Ishujt Faroe, në formën e huazimit. Në një prononcim të dhënë së fundmi, mesfushori u shpreh se më mirë është ndjerë te Flamurtari, për shkak se aty ka luajtur më […]

LEXO TE PLOTE

Sport

Mblidhet Komiteti Ekzekutiv i FSHF, zbulohet çfarë u diskutua

Publikuar

-

Nga

U zhvillua ditën e sotme mbledhja e radhës e Komitetit Ekzekutiv të Federatës Shqiptare të Futbollit. Mbledhja e sotme, për herë të parë, u zhvillua përmes video-konferencës, në respektim të rregullave të distancimit fizik që kërkohet për shkak të përhapjes së Covid-19 në vendin tonë. Komiteti Ekzekutiv diskutoi në lidhje me situatën e krijuar në […]

LEXO TE PLOTE
Lajme të Rekomanduara: