Connect with Us

Lerda ndryshon skemë, ja si do luajë Partizani sonte në derbi

Sport

Lerda ndryshon skemë, ja si do luajë Partizani sonte në derbi

Publikuar

-

Partizani vjen me mungesa me peshë në derbi, por ajo që habit në të tilla raste është qëndrimi i trajnerit Franko Lerda, i cili nuk i përmend si alibi, ndonëse nuk ka tre titullarë në dispozicion.

Edhe gjatë konferencës së djeshme, italiani pohoi se llogaritë i bën vetëm me grupin që ka në dispozicion dhe padyshim qetësinë ia jep grupi që ka plot alternativa. Bruno Telushin dhe Rron Broja janë të pezulluar nga kartonët, por edhe për këtë sfidë, Esat Mala vijon i pezulluar nga klubi. Trajnerin Lerda ka surprizuar gjatë javës stërvitore, pasi për derbin ai ka një ide për formacion edhe pa Jasir Asanin dhe Erald Çinari.

Eksperimenti i Lerdës për derbin ka të bëjë me një risi të paparashikuar nga askush, pasi trajneri ka provuar Alesio Hysenin në qendër të mesfushës. 22-vjeçari po bën një vit pranë të kuqve, por akoma s’ka debutuar në një ndeshje zyrtare me Partizanin. Trajneri Franko Lerda në përgjithësi gjatë javës e përzien disa herë formacionin, gjë e cila nuk ka ndodhur gjatë këtyre seancave stërvitore për Tiranën. Për tri ditë më radhë, ai ka praktikuar të njëjtin formacion eksperimental. Gjithsesi, nuk përjashtohet mundësia që sot Lerda ta përmbysë situatën, duke lënë të kuptojë se e gjitha ka qenë një kurth për kundërshtarët bardheblu.

RIKTHIMI TE SKEMA 

3-5-2 Ajo që prodhoi humbja me Bylisin, e detyron trajnerin Lerda të bëjë ndryshime në formacion. Mungesat bëjnë që Partizani të rikthehet te skema e lojës së praktikuar në fillim të kampionatit. Në seancat e fundit, 53-vjeçari italian ka punuar me ekipin sipas rreshtimit 3-5-2.

Bitri-Boldor-Belica janë piketuar si treshja e mbrojtjes. Në mesfushë, Lerda ka provuar vetëm këtë pesëshe: Idrizaj dhe Trashi në krahë, ndërsa Romero, Hyseni dhe Melo në qendër. Sulmi për derbin e sotëm parashikohet të përbëhet nga Theofilus Solomoni dhe Jurgen Bardhi. Trajneri ka punuar shumë gjatë këtyre ditëve me këtë 11-she, duke surprizuar në përgjithësi, ku përveç tri mungesave në mesfushë, Lerda i dhuron “kënaqësinë” kundërshtarit që të ulë në stol edhe dy sulmuesit e krahëve, Asanin dhe Çinarin.

Gjithsesi, vetëm sot mund të qartësohet që përgatitjet e javës kanë qenë vërtetë në funksion të eksperimentit ose një kurth i detyruar nga frika e spiunazhit nga rivalët. Mbase Lerda e ka edhe si strategji, që në varësi të rezultatit, të kenë dy “asa” nën mëngë për t’i përdorur në pjesën e dytë, siç është Jasir Asani dhe Erald Çinari, golashënuesit e skuadrës./Panorama Sport

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Sport

Kapiteni serb i Laçit: Ja çfarë do bëjmë nëse kampionati nuk nis deri më 1 qershor

Publikuar

-

Nga

Aleksandar Ignjatoviç ndien mall për futbollin. Shëndeti realisht ka rëndësi, e megjithatë mendon se ka ardhur koha që t’u rikthehen fushave. Kapiteni i Laçit në tri ndeshjet e fundit, në një intervistë ekskluzive për “Panorama Sport” rrëfen se karantinën po e kalon në Tiranë dhe se stërvitjen nuk e ka lënë asnjë ditë pas dore, […]

LEXO TE PLOTE

Sport

U largua nga Partizani në janar, flet mesfushori: Këtu ka më shumë dele se njerëz, do rikthehem në Shqipëri

Publikuar

-

Nga

Alesio Hyseni kaloi një periudhë të vështirë te Partizani, teksa në janar vendosi të largohet nga të kuqtë, duke kaluar te skuadra e Klaksvik, në Ishujt Faroe, në formën e huazimit. Në një prononcim të dhënë së fundmi, mesfushori u shpreh se më mirë është ndjerë te Flamurtari, për shkak se aty ka luajtur më […]

LEXO TE PLOTE

Sport

Mblidhet Komiteti Ekzekutiv i FSHF, zbulohet çfarë u diskutua

Publikuar

-

Nga

U zhvillua ditën e sotme mbledhja e radhës e Komitetit Ekzekutiv të Federatës Shqiptare të Futbollit. Mbledhja e sotme, për herë të parë, u zhvillua përmes video-konferencës, në respektim të rregullave të distancimit fizik që kërkohet për shkak të përhapjes së Covid-19 në vendin tonë. Komiteti Ekzekutiv diskutoi në lidhje me situatën e krijuar në […]

LEXO TE PLOTE
Lajme të Rekomanduara: