Connect with Us

Rekord tifozësh për derbin e sotëm, Ja sa bileta janë shitur deri tani për derbin Partizani-Tirana

Sport

Rekord tifozësh për derbin e sotëm, Ja sa bileta janë shitur deri tani për derbin Partizani-Tirana

Publikuar

-

Një stadium plot! Të paktën kështu janë shenjat pak orë para derbit Partizani-Tirana. Drejtuesit e Partizanit, kur duheshin edhe 24 orë nga sfida e sotme, konfirmuan se deri të enjten në mbrëmje ishin shitur 17500 bileta, apo 80 për qind e kapacitetit të stadiumit, çka është premisë e madhe që sot stadiumi do të jetë i gjithi i shitur.

Edhe pse dukej e pabesueshme, në mbrëmje, të kuqtë reaguan me një postim në rrjetet sociale, duke konfirmuar shitjen masive të biletave për takimin e sotëm. “Klubi njofton se vazhdon të ketë një interesim të jashtëzakonshëm për derbin Partizani – Tirana, i cili luhet sot në ‘Air Albania Stadium’, ora 19:00. 17500 është numri i biletave të shitura përgjatë ditës së sotme (djeshme). Ju kujtojmë se biletat do të mund t’i siguroni edhe përgjatë ditës së premte e në vazhdim ora 10:00 deri 19:00 pranë pikave të shitjes, në stadiumin ‘Selman Stërmasi’, në dyqanin zyrtar të FSHF ‘Macron’, pranë Ambasadës Amerikane, si edhe pranë dyqanit ‘Joma’ Sponsori Teknik i skuadrës, i pozicionuar pranë Godinës ETC te ‘Rruga e Elbasanit’”, shkruanin të kuqtë.

Biletat kanë dalë të mërkurën pasdite në shitje, por edhe pse ndeshja do luhet në “Air Albania” që ka një kapacitet të madh, dje tifozët prisnin në radhë për të blerë një biletë në çdo pikë shitjeje. “Panorama Sport” mësoi dje se biletat në tribunën e katit të parë pas fushe ishin ezauruar për tifozët e Tiranës dhe tashmë te biletaria, tifozëve bardheblu u kërkohej që të blinin bileta në tribunën e katit të parë, në sektorët e Partizanit. Kjo ndodhte, sepse si fillim duhet të ezaurohen biletat e katit të parë dhe më pas të hapet kati i dytë. Gjithsesi, ky problem është kapur shpejt dhe klubet kanë riparuar dëmet për këtë ngatërresë që mund të ishte fatale për mbarëvajtjen e ndeshjes.

Kapaciteti i stadiumit është 22 mijë vende dhe te klubi Partizani besonin se të gjitha biletat do të shiteshin, deri në nisje të takimit. Po kështu, janë ezauruar të gjitha biletat e sektorit bardheblu.

FUSHA – Derbi do të luhet në stadiumin e ri “Air Albania”, që do të presë për herë të parë një ndeshje të Kategorisë Superiore. Stadiumi dukej në gjendje të mirë, për të pritur ndeshjen e rëndësishme. Kujtojmë se kjo do të jetë sfida e dytë zyrtare, në këtë stadium, pas asaj që u luajt më 17 nëntor mes Shqipërisë dhe Francës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Seria A

Ja si reagon Thomas Strakosha kur sheh njerëz që thyejnë karantinën

Publikuar

-

Nga

Të qendruarit në shtëpi duket se është e vetmja armë me të cilën njerëzimi mund të luftojë koronavirusin Por, kjo strategji, Thomas Strakoshës, nuk i pëlqen aspak por ska zgjidhje tjeter. Gardiani i Lazios gjendet i izoluar në Romë, ndërsa reagimin e tij për ata që thyejnë karantinën e bën të ditur me anë të […]

LEXO TE PLOTE

Seria A

Igli Tare bën gati super goditjen, pranë akordin me yllin e Milanit

Publikuar

-

Nga

Lacio po mendon të përforcohet me mbrojtësin dhe kapitenin e Milanit Alesio Romanjoli. Sipas mediave italiane, drejtuesit  e “Djallit” po mendojnë të nisin fushatën e reduktimit të pagave për skuadrën dhe nuk bën përjashtim nga kjo nismë dhe Romanjoli. Mendohet se paga e lojtarit do të zbresë nga 3.5 milionë euro në sezon në 2 […]

LEXO TE PLOTE

Kombëtare

De Biazi: Edi Rama trullosi pasanikët e Europës, Italia nuk do jetë më kurrë si më parë për shqiptarët

Publikuar

-

Nga

Xhani De Biazi është nga ata që lënë gjurmë. Kush ka dyshime për këtë, duhet të pyesë tifozët e Torinos. Le t’u marrin atyre një opinion për kryeveprën që bëri trajneri i parë në epokën e Urbano Kairos. Asokohe, trajneri dhe presidenti realizuan diçka fantastike. Ishte sezoni 2005-2006. Ose hidhuni një sy për pak sekonda […]

LEXO TE PLOTE