Connect with Us

Reginaldo nis sërvitjen me Partizanin, por del një problem i papritur

Sport

Reginaldo nis sërvitjen me Partizanin, por del një problem i papritur

Publikuar

-

Merkatoja aktuale e Partizanit është drejt vendosjes së një rekordi në historinë e të kuqve, që pas kthimit në Superiore në verën e 2013-ës. Nuk kishte ndodhur kurrë që lëvizjet në një periudhë merkatoje të ishin kaq minimale, si në hyrje dhe në dalje. Zyrtarisht, Partizani ka kryer një përforcim, mbrojtësin Dorian Kërçiku, si dhe ka huazuar Jasir Asanin në Suedi dhe Alesio Hysenin në Ishujt Faroe.

Minifaza në Antalia është shfrytëzuar nga kampionët edhe për testime lojtarësh nga stafi teknik. Në këtë sesion merkatoje, parësore për drejtuesit e kuq është gjetja e një bomberi, pasi tre sulmuesit që përforcuan skuadrën në verë kanë qenë në hije. Duke parë tregun, por edhe periudhën, ku janari ofron pak mundësi të vlefshme pasi nuk ka lojtarë të lirë, Arturo Rexhinaldo ishte rasti më i favorshëm për Partizanin.

Sulmuesi mozambikas është i konfirmuar në futbollin shqiptar, duke e treguar veten me Luftëtarin, Laçin dhe Kukësin. Duke qenë lojtar i lirë, pasi aventura e 29-vjeçarit u mbyll para kohe në Kazakistan, drejtuesit e Partizanit hynë në kontakte me Rexhinaldon. Ndonëse klubi nuk ka dhënë asnjë informacion në lidhje me lojtarët e provuar në Turqi, “Panorama Sport” ka mësuar se mozambikasi është përgatitur një ditë me “demat” në Antalia, duke qenë nën urdhrat e trajnerit Adolfo Sormani. Mësohet se palët kanë biseduar për kushtet e bashkëpunimit dhe gjetjen e akordit final. Afrimi i mozambikasit është kushtëzuar nga disa aspekte.

E shkuara problematike me klubet ku ka luajtur në Shqipëri, por edhe ndërhyrjet e shumta të menaxherëve në këtë rast nuk u kanë pëlqyer drejtuesve dhe presidenti Demi ka vënë veton, që të mos e marrin kur ekipi u kthye në Tiranë. Plus, ai varej edhe nga situata e sulmuesve të huaj që janë në klub, ku pa dyshim duhet gjetur një mundësi që një mes Solomonit, Braunit dhe Ekubanit (kryesisht njëri nga dy të fundit) të sistemohet në një klub tjetër.

Përveç zgjidhjes së këtij ngërçi, të kuqtë kanë edhe një rast tjetër për të zgjidhur. Sulmuesi brazilian, Lukas Kardozo, figuron si pjesë e Partizanit dhe pret që klubi t’i gjejë zgjidhje. Afrimi i Rexhinaldos, pa sistemimin e dy sulmuesve, do ta shtonte barrën financiare dhe do të rritej më shumë numri i të huajve. “Panorama Sport” ka kontaktuar dje me mozambikasin, por ai ka refuzuar të japë sqarime në lidhje me negociatat me Partizanin.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Sport

Kapiteni serb i Laçit: Ja çfarë do bëjmë nëse kampionati nuk nis deri më 1 qershor

Publikuar

-

Nga

Aleksandar Ignjatoviç ndien mall për futbollin. Shëndeti realisht ka rëndësi, e megjithatë mendon se ka ardhur koha që t’u rikthehen fushave. Kapiteni i Laçit në tri ndeshjet e fundit, në një intervistë ekskluzive për “Panorama Sport” rrëfen se karantinën po e kalon në Tiranë dhe se stërvitjen nuk e ka lënë asnjë ditë pas dore, […]

LEXO TE PLOTE

Sport

U largua nga Partizani në janar, flet mesfushori: Këtu ka më shumë dele se njerëz, do rikthehem në Shqipëri

Publikuar

-

Nga

Alesio Hyseni kaloi një periudhë të vështirë te Partizani, teksa në janar vendosi të largohet nga të kuqtë, duke kaluar te skuadra e Klaksvik, në Ishujt Faroe, në formën e huazimit. Në një prononcim të dhënë së fundmi, mesfushori u shpreh se më mirë është ndjerë te Flamurtari, për shkak se aty ka luajtur më […]

LEXO TE PLOTE

Sport

Mblidhet Komiteti Ekzekutiv i FSHF, zbulohet çfarë u diskutua

Publikuar

-

Nga

U zhvillua ditën e sotme mbledhja e radhës e Komitetit Ekzekutiv të Federatës Shqiptare të Futbollit. Mbledhja e sotme, për herë të parë, u zhvillua përmes video-konferencës, në respektim të rregullave të distancimit fizik që kërkohet për shkak të përhapjes së Covid-19 në vendin tonë. Komiteti Ekzekutiv diskutoi në lidhje me situatën e krijuar në […]

LEXO TE PLOTE
Lajme të Rekomanduara: