Connect with Us

Gripshi i i ndal hovin Tiranës: Duam ta mundim

Sport

Gripshi i i ndal hovin Tiranës: Duam ta mundim

Publikuar

-

Pasi siguroi kualifikimin në çerekfina len e Kupës, Skënderbeu tashmë do të kërkojë marrjen e një rezultati pozitiv në kampionat. Bardhekuqtë luajnë një transfertë të vështirë ndaj Tiranës dhe duket se barazimi me Bylisin ka lënë shije të hidhur te ta.

Për Nazmi Gripshin, një nga protagonistët e Skënderbeut në këtë sezon, ndeshja e së shtunës është e një vështirësie të lartë, por do të bëjnë maksimumin për të mos dalë pa pikë nga kryeqyteti. Kjo sipas tij do të rriste pozicionin e korçarëve në renditje.

 Gripshi, në fundjavë luani përballë Tiranës, një Tiranë që ka 9 fitore radhazi. Si e shikoni këtë takim?

Është një ndeshje tepër e vështirë për ne dhe normalisht decizive për vijimin e sezonit. Rëndësia e këtij takimi shtohet akoma më shumë nga fakti që në ndeshjen e fundit në shtëpi përballë Bylisit kemi lënë dy pikë, që do të ishin mjaft me vlerë për ne. Prandaj jam i mendimit se nëse marrim një fitore apo një rezultat pozitiv ditën e shtunë, do të na shërbente shumë në aspektin moral, por edhe në ngritjen në tabelë. Kjo më pas përkthehet edhe me ngjitje në shkallët e klasifikimit.

Sa e vështirëson pozitën e Skënderbeut ajo ndeshje e barazuar në Korçë?

Normalisht që na rëndon shumë. Ishte një ndeshje, e cila pa dyshim duhet të ishte e fituar për nga mënyra se si shkoi loja. Besoj se ishte një takim ku fati nuk ishte në krahun tonë. Mungesa e fatit çoi edhe në atë barazim, që të paktën na vjen keq për nga mënyra se si na iku trepikëshi nga duart.

Nëse fitohej ajo ndeshje ndaj Bylisit, do të shkonit më të bindur në kryeqytet?

Normalisht një fitore gjithmonë të rrit moralin dhe të bën që të jesh më i qetë në vijimësi. Gjithsesi, besoj se te Skënderbeu asnjëherë nuk ka presion për sa u përket rezultateve të munguara. Klima është jashtëzakonisht e qetë dhe e përshtatshme për të punuar. Kjo na bën që të kalojmë më me lehtësi momentet delikate dhe të jemi të përqendruar te ndeshja e radhës. Këtu gjithmonë është punuar qetë, prandaj them se nuk jemi në presion për ndeshjen me Tiranën.

A është Skënderbeu ekipi i duhur për të ndalur ecurinë pozitive të bardhebluve?

Nuk mund të them me saktësi nëse jemi apo jo ekipi i duhur. Por ajo që vlen të theksohet është se dëshira jonë është mjaft e madhe për të dalë nga kjo ndeshje me një rezultat pozitiv. Duam të marrim gjithçka me qetësi dhe të përqendruar në atë që do të kërkojmë në fushën e lojës. Nëse bëjmë kështu, mund t’ia dalim, pasi kemi treguar se potenciali nuk na mungon.

Dëmtimet këtë sezon ju kanë penalizuar. Sa do të ndihen mungesat në këtë ndeshje? 

Atëherë po flasim për Ndekinë, që nga dëmtimi i pësuar nuk besojmë se do të jetë gati për këtë takim. Të shpresojmë të paktën që të rikuperojmë Krasniqin pasi është një lojtar me shumë vlera dhe i rëndësishëm për ne. Gjithsesi, unë jam i mendimit se të gjithë lojtarët që do të hyjnë në fushë në këtë takim do të japin maksimumin dhe do të kërkojnë të marrin më të mirën nga kjo ndeshje e së shtunës.

 Në “Air Albania” është më bukur?

Normalisht kushtet dhe komoditeti i një stadiumi gjithmonë të bën të jesh më mirë dhe të kesh tjetër ndjesi. Por që për ne nuk ka rëndësi se ku do të luajmë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Seria A

Ja si reagon Thomas Strakosha kur sheh njerëz që thyejnë karantinën

Publikuar

-

Nga

Të qendruarit në shtëpi duket se është e vetmja armë me të cilën njerëzimi mund të luftojë koronavirusin Por, kjo strategji, Thomas Strakoshës, nuk i pëlqen aspak por ska zgjidhje tjeter. Gardiani i Lazios gjendet i izoluar në Romë, ndërsa reagimin e tij për ata që thyejnë karantinën e bën të ditur me anë të […]

LEXO TE PLOTE

Seria A

Igli Tare bën gati super goditjen, pranë akordin me yllin e Milanit

Publikuar

-

Nga

Lacio po mendon të përforcohet me mbrojtësin dhe kapitenin e Milanit Alesio Romanjoli. Sipas mediave italiane, drejtuesit  e “Djallit” po mendojnë të nisin fushatën e reduktimit të pagave për skuadrën dhe nuk bën përjashtim nga kjo nismë dhe Romanjoli. Mendohet se paga e lojtarit do të zbresë nga 3.5 milionë euro në sezon në 2 […]

LEXO TE PLOTE

Kombëtare

De Biazi: Edi Rama trullosi pasanikët e Europës, Italia nuk do jetë më kurrë si më parë për shqiptarët

Publikuar

-

Nga

Xhani De Biazi është nga ata që lënë gjurmë. Kush ka dyshime për këtë, duhet të pyesë tifozët e Torinos. Le t’u marrin atyre një opinion për kryeveprën që bëri trajneri i parë në epokën e Urbano Kairos. Asokohe, trajneri dhe presidenti realizuan diçka fantastike. Ishte sezoni 2005-2006. Ose hidhuni një sy për pak sekonda […]

LEXO TE PLOTE