Connect with Us

Ilion Lika thumbon “Dajat” e Skënderbeut: Do i them Egbosë mos futem në fushë fare

Sport

Ilion Lika thumbon “Dajat” e Skënderbeut: Do i them Egbosë mos futem në fushë fare

Publikuar

-

Ilion Lika nuk është kapiteni i parë i skuadrës, por më i pjekuri te bardheblutë. Lider i padiskutueshëm në fushën e lojës, portieri i Tiranës që këtë vit mbush 40 vjeç rrëfen sezonin e tetë bardheblu. Lideri i skuadrës bardheblu, në një intervistë ekskluzive për “Panorama Sport”, rrëfen gjithçka. Është i bindur se Tirana do të bëjë një kampionat të veçantë. Por mbi të gjitha është i gatshëm të pranojë çdo gjë për të mirën e bardhebluve. Sigurisht, e ndien se Tirana këtë vit do të luftojë për titullin kampion, gjithmonë duke i marrë ndeshjet njëra pas tjetrës.

Ilion si e shihni Tiranën në këtë moment? 

Është akoma mesi i sezonit. Duhet ta pranoj se kemi bërë një sezon me oshilacione, që nuk i takonte këtij ekipi ose më saktë skuadrës së ndërtuar. U ndërtua një ekip për të qenë sezon i suksesshëm nga ana jonë. Patëm nisje të mirë dhe më pas disa luhatje dhe në fund arritëm që të mblidhnim veten. Arritëm të japim më të mirën këto kohë dhe shpresoj që të vazhdojmë kështu.

Përse ndodhi ky oshilacion?

Është diçka që ndodh në futboll. U ndodh të gjithë skuadrave në futboll. Na ndodh edhe neve. Ekipi asnjëherë nuk ka ecuri ashtu siç e dëshirojmë ne. Ecuria ka uljet dhe ngritjet. Neve na ndodhi në atë periudhë dhe nuk e di. Nuk i japim shpjegim. E rëndësishme është që nuk e lamë situatën të degradonte më shumë, sepse do të ishte shumë problematike për shkak të investimit financiar të këtij ekipi që është bërë për të qenë në atë gradë ku ishim ne. Ramë shumë poshtë në klasifikim. Edhe pse ishte e vështirë, arritëm që të gjejmë forca dhe të reagojmë, në sajë të djemve që e kuptuan se në çfarë gjendjeje ishim dhe ku duhej dhe duhet të shkojmë. Kualiteti ishte dhe ia dolëm të ngjitemi. Jemi në këtë gjendje, por do të jetë shumë e vështirë që ta mbajmë këtë ecuri nëse nuk punojmë seriozisht dhe për t’u ngjitur më lart.

Cili është çelësi i rikthimit të skuadrës në vendet e para? 

Suksesi i kësaj skuadre është alternuar mes lojtarëve me eksperiencë, të huaj dhe shqiptarë si dhe të rinjtë. Ka një gërshetim të bukur. Jemi një grup i mirë djemsh, apo që ka kualitet, por edhe djem që kanë shpirt të mirë. Në momentin që ne do bashkohemi, do të bëjmë gjëra të bukura.

Mund të flasim për titull këtu te Tirana?

Dihet shumë mirë se për çfarë është ndërtuar ky ekip. Shpenzimet janë shumë të mëdha. Më shumë se për titullin, ne më mirë të mendojmë të fitojmë çdo ndeshje. Kjo është strategjia jonë dhe e skuadrës. Duke parë që kemi edhe djem të rinj që nuk kanë eksperiencë, objektivi titull do t’i rëndonte. Po të ecim dhe të fitojmë çdo ndeshje, duke e parë çdo ndeshje si finale, në fund fare edhe titulli fitohet.

Ilir Daja ka thënë që i di pikat e dobëta të Tiranës… 

Me gjithë respektin që kam për Ilir Dajën, dua të them se është një nga trajnerët më të mirë në Shqipëri. E dyta, nuk besoj se e ka thënë, ose nuk përkon me tipin e tij. E di që është me këmbë në tokë, ose në intervista ishte i kujdesshëm. Nëse e ka thënë që na mund, na ka gjet çelësin për të na ndalur, atëherë të mos futemi në fushë dhe të presim Kukësin, meqenëse ndalemi nga Skënderbeu.

Po për Dajën tjetër keni ndonjë fjalë, meqenëse për ju është një nga shokët më të mirë?

Kam folur me Asionin. Nëse ai është në fushë, atëherë do të bisedoj me Egbonë që të mos aktivizohem fare, sepse ai është shumë i rrezikshëm.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Seria A

Ja si reagon Thomas Strakosha kur sheh njerëz që thyejnë karantinën

Publikuar

-

Nga

Të qendruarit në shtëpi duket se është e vetmja armë me të cilën njerëzimi mund të luftojë koronavirusin Por, kjo strategji, Thomas Strakoshës, nuk i pëlqen aspak por ska zgjidhje tjeter. Gardiani i Lazios gjendet i izoluar në Romë, ndërsa reagimin e tij për ata që thyejnë karantinën e bën të ditur me anë të […]

LEXO TE PLOTE

Seria A

Igli Tare bën gati super goditjen, pranë akordin me yllin e Milanit

Publikuar

-

Nga

Lacio po mendon të përforcohet me mbrojtësin dhe kapitenin e Milanit Alesio Romanjoli. Sipas mediave italiane, drejtuesit  e “Djallit” po mendojnë të nisin fushatën e reduktimit të pagave për skuadrën dhe nuk bën përjashtim nga kjo nismë dhe Romanjoli. Mendohet se paga e lojtarit do të zbresë nga 3.5 milionë euro në sezon në 2 […]

LEXO TE PLOTE

Kombëtare

De Biazi: Edi Rama trullosi pasanikët e Europës, Italia nuk do jetë më kurrë si më parë për shqiptarët

Publikuar

-

Nga

Xhani De Biazi është nga ata që lënë gjurmë. Kush ka dyshime për këtë, duhet të pyesë tifozët e Torinos. Le t’u marrin atyre një opinion për kryeveprën që bëri trajneri i parë në epokën e Urbano Kairos. Asokohe, trajneri dhe presidenti realizuan diçka fantastike. Ishte sezoni 2005-2006. Ose hidhuni një sy për pak sekonda […]

LEXO TE PLOTE