Connect with Us

Shpresë për shqiptarët, FIFA jep 16 milionë dollarë për lojtarët që nuk marrin rrogat

Sport

Shpresë për shqiptarët, FIFA jep 16 milionë dollarë për lojtarët që nuk marrin rrogat

Publikuar

-

Lojtarët që nuk paguhen nga klubet e tyre do të kenë një ndihmë nga FIFA. Nuk bëhet fjalë për shlyerje totale të rrogave, por për një ndihmë që mund të zbusë problemet e tyre. Ndërkohë, qeveria botërore e futbollit ka paralajmëruar klubet dhe federatat se do të jetë më e ashpër me ata që nuk merren seriozisht me këtë plagë të futbollit modern.

 

VENDIMI 

FIFA ka krijuar një fond prej 16 milionë dollarësh që do të jetë i gatshëm të përdoret nga 1 korriku i vitit 2020, për t’u ardhur në ndihmë lojtarëve që nuk do të paguhen nga klubet e tyre. E ka njoftuar këtë nismë vetë FIFA, nëpërmjet një shënimi zyrtar, në të cilin zbulohen edhe disa detaje të këtij plani: “FIFA dhe FIFPro kanë arritur një marrëveshje për të krijuar ‘Fondin FIFA’, i cili ka për synim të ndihmojë lojtarët që nuk kanë asnjë mundësi që të paguhen nga klubet e tyre”, lexohet në komunikatë. Disa raporte serioze të kohëve të fundit, përfshi edhe “FIFPRO’s own 2016 Global Employment Report”, që merret posaçërisht me punësimin në rang botëror dhe që përshkruan edhe gjendjen e kushteve të punës për futbollistët profesionistë, konstaton se “ka shumë futbollistë në gjithë botën që nuk paguhen për punën e bërë”. “Ky fond dhe kjo nismë ka për qëllim që të zbusë problemet e tyre, ndonëse pa dyshim që nuk mund të zgjidhë të gjithë problematikën”, lexohet më tej në atë që raportonte dje “Sky Sport”.

FIFA Infantino

DETAJET E PLANIT TË FIFA-S

FIFA ka përcaktuar një shumë prej 16 milionë dollarësh deri në vitin 2022, e cila do të ndahet në këtë mënyrë: 3 milionë dollarë në 2020-ën, 4 milionë dollarë në 2021-shin dhe 4 milionë dollarë në 2022-shin, plus 5 milionë dollarë të tjerë të rezervuar për mbrojtjen e lojtarëve edhe nga koha e kaluar, pasi ndihma do të shtrihet për lojtarët e papaguar nga korriku i vitit 2015 deri në qershorin e vitit 2020. “Në 2019-ën, FIFA ka rishikuar Kodin Disiplinor, ku ka ashpërsuar masat për sa u përket klubeve që nuk paguajnë lojtarët dhe federatave që nuk marrin masa ndaj këtyre klubeve. Mbi të gjitha, jemi fokusuar te pronarët e rinj të klubeve, të cilët nuk marrin përsipër pagesat e mëparshme, apo detyrimet e prapambetura të futbollistëve. Kjo nuk do të tolerohet më”, shkruhet në udhëzimin që FIFA u ka çuar në fund të vitit të gjitha federatave anëtare.

infatino

INFANTINO: FIFA, PRANË LOJTARËVE NË VËSHTIRËSI 

Krijimi i një fondi të tillë përfaqëson një hap të rëndësishëm dhe të kërkuar prej kohësh nga FIFA, i cili është rakorduar edhe me “FIFPro” dhe sindikatën ndërkombëtare të futbollistëve. “Kjo marrëveshje është impenjimi ynë serioz për të ndihmuar futbollistët që hasin probleme me rrogat dhe ndërkohë kjo do të përmirësohet akoma në të ardhmen. Ne jemi qeveria botërore e futbollit dhe kemi për detyrë që të mbrojmë më së pari ata që derdhin djersë në fushën e lojës”, ka deklaruar ndër të tjera presidenti i FIFA-s, Xhani Infantino. I kënaqur për këtë marrëveshje edhe Filip Piat, presidenti i “FIFPro” (federata ndërkombëtare e futbollistëve profesionistë). “Më shumë se 50 klube janë zhdukur gjatë 5 viteve të fundit në 20 vende të ndryshme të botës, me qëllim që të shmangnin pagesat ndaj lojtarëve, apo borxhet e akumuluara ndaj tyre. Për pasojë, qindra futbollistë kanë mbetur rrugëve, duke u përballur me pasiguri dhe me vështirësi të mëdha ekonomike. Ky fond të jetë një ndihmë për këta lojtarë dhe për familjet e tyre”, deklaroi Piat.

NDARJA E PAQARTË

Mbetet për t’u saktësuar se çfarë do të ndodhë konkretisht në të ardhmen dhe se si mund të përfitojnë nga kjo nismë ata mijëra futbollistë të papaguar, përfshi shumë prej tyre edhe në futbollin shqiptar. Në këtë listë do të hyjnë vetëm lojtarët e klubeve që shpallin falimentin dhe “zhduken”, apo edhe ata futbollistë që luajnë ende në klube që janë në prag falimenti, por nuk e kanë bërë zyrtare atë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Sport

Kapiteni serb i Laçit: Ja çfarë do bëjmë nëse kampionati nuk nis deri më 1 qershor

Publikuar

-

Nga

Aleksandar Ignjatoviç ndien mall për futbollin. Shëndeti realisht ka rëndësi, e megjithatë mendon se ka ardhur koha që t’u rikthehen fushave. Kapiteni i Laçit në tri ndeshjet e fundit, në një intervistë ekskluzive për “Panorama Sport” rrëfen se karantinën po e kalon në Tiranë dhe se stërvitjen nuk e ka lënë asnjë ditë pas dore, […]

LEXO TE PLOTE

Sport

U largua nga Partizani në janar, flet mesfushori: Këtu ka më shumë dele se njerëz, do rikthehem në Shqipëri

Publikuar

-

Nga

Alesio Hyseni kaloi një periudhë të vështirë te Partizani, teksa në janar vendosi të largohet nga të kuqtë, duke kaluar te skuadra e Klaksvik, në Ishujt Faroe, në formën e huazimit. Në një prononcim të dhënë së fundmi, mesfushori u shpreh se më mirë është ndjerë te Flamurtari, për shkak se aty ka luajtur më […]

LEXO TE PLOTE

Sport

Mblidhet Komiteti Ekzekutiv i FSHF, zbulohet çfarë u diskutua

Publikuar

-

Nga

U zhvillua ditën e sotme mbledhja e radhës e Komitetit Ekzekutiv të Federatës Shqiptare të Futbollit. Mbledhja e sotme, për herë të parë, u zhvillua përmes video-konferencës, në respektim të rregullave të distancimit fizik që kërkohet për shkak të përhapjes së Covid-19 në vendin tonë. Komiteti Ekzekutiv diskutoi në lidhje me situatën e krijuar në […]

LEXO TE PLOTE
Lajme të Rekomanduara: