Connect with Us

Egbo trajneri i çudirave, gjen sërish recetën për të mundur Partizanin

Sport

Egbo trajneri i çudirave, gjen sërish recetën për të mundur Partizanin

Publikuar

-

Tirana vjen në derbi me moralin më të mirë të mundshëm. Këtë e kanë sjellë jo vetëm rezultatet e fushës, por edhe përballimi i situatave të ndryshme brenda skuadrës. Dje, bardheblutë kanë zbritur në terrenin e rinovuar me bar natyral të “Skënder Halilit”, për të përgatitur ndeshjen e radhës përballë skuadrës tjetër të kryeqytetit. Por, trajneri Emanuel Egbo ka pasur një organikë jo me të gjithë titullarët në dispozicion.

PA TRE TITULLARË

Majkëll Ngo, Agustin Torasa dhe Elton Kale nuk kanë qenë dje të gatshëm për t’u stërvitur me skuadrën e parë. “Panorama Sport” ka mësuar edhe seancën stërvitore të skuadrës kryeqytetase gjatë paradites së djeshme, e cila i ka paraprirë derbit të vogël, mes Tiranës B dhe Partizanit B. Për këtë, është dashur që kryeqytetasit ta afrojnë orarin e stërvitjes, në 11:00, disi më herët sesa ditët e tjera.

MAJKËLL NGO

Kjo ka bërë që sulmuesi anglez, Majkëll Ngo, të paraqitet me vonesë në stërvitje. Ngo ka humbur pjesën e nxehmjes me shokët e ekipit dhe për pasojë nuk është futur në stërvitjen taktike. Ndaj, në fushën stërvitore, ai ka kryer vetëm pjesën atletike për të marrë ngarkesën stërvitore.

AGUSTIN TORASA 

Agustin Torasa, i cili doli në minutat e fundit ndaj Kukësit me një dëmtim, dje ka punuar nën kujdesin e stafit mjekësor. Pas terapisë, mesfushori me tipare ofensive ka kryer vetëm vrapime të kronometruara rreth fushës dhe ushtrime të kontrolluara në palestër.

ELTON KALE 

Braziliani Elton Kale ka marrë një ditë pushimi më tepër sesa shokët e tij, si masë parandaluese për një gjendje jo të mirë shëndetësore që po kalon. Futbollisti ka shfaqur shenja gripale dhe për këtë, stafi i ka përgatitur atij një trajtim mjekësor për të dalë nga kjo situatë. Gjithsesi, optimizmi në kamp është i tillë që të tre lojtarët, me trajtimin e veçantë dhe të kontrolluar, të kenë gjendje optimale për ndeshjen e radhës, ditën e premte në orën 19:00 në “Air Albania”.

STËRVITJA
Emanuel Egbo u ka bërë me dije futbollistëve që në fillim të stërvitjes se bëhet fjalë për ndeshjen e radhës, një ndeshje e vështirë dhe një ndeshje që vlen vetëm 3 pikë. Trajneri ua ka shpjeguar futbollistëve pjesën përgatitore të javës, çfarë duhet të kenë parasysh dhe se për çfarë do të duhet të fokusohen gjatë ditëve në vijim.

TAKTIKA
Trajneri Egbo ka kërkuar nga skuadra që të punojë me të dyja fazat e lojës. Në disa momente, ai e ka ndarë pjesën e mbrojtjes nga ajo sulmuese. Lojtarët kanë marrë udhëzimet se çfarë duhet të bëjnë në çdo moment, kur gjenden në kundërsulm, pra në inferioritet numerik pranë zonës së tyre përballë kundërshtarit, por edhe kur kanë shanset që të iniciojnë një aksion kundërsulmi. Pas ushtrimeve të nxehmjes nga përgatitësi atletik, bardheblutë kanë kryer disa ushtrime me topin, ku është kërkuar nga lojtarët saktësi në pasime dhe një ritëm i lartë. Më tej, Egbo, Xhafa dhe Jani kanë drejtuar ushtrimet për fazën mbrojtëse dhe atë sulmuese. Në pjesën e fundit të stërvitjes, lojtarët kanë bërë ndarjen në dy grupe për të zhvilluar një minindeshje, ku nuk ka munguar ritmi i lartë, golat e bukur si dhe momentet e harmonisë dhe humorit, gjithashtu të shoqëruara edhe me kritikat e trajnerit kur kishte situata që duhet të zgjidheshin më mirë nga lojtarët.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Sport

Kapiteni serb i Laçit: Ja çfarë do bëjmë nëse kampionati nuk nis deri më 1 qershor

Publikuar

-

Nga

Aleksandar Ignjatoviç ndien mall për futbollin. Shëndeti realisht ka rëndësi, e megjithatë mendon se ka ardhur koha që t’u rikthehen fushave. Kapiteni i Laçit në tri ndeshjet e fundit, në një intervistë ekskluzive për “Panorama Sport” rrëfen se karantinën po e kalon në Tiranë dhe se stërvitjen nuk e ka lënë asnjë ditë pas dore, […]

LEXO TE PLOTE

Sport

U largua nga Partizani në janar, flet mesfushori: Këtu ka më shumë dele se njerëz, do rikthehem në Shqipëri

Publikuar

-

Nga

Alesio Hyseni kaloi një periudhë të vështirë te Partizani, teksa në janar vendosi të largohet nga të kuqtë, duke kaluar te skuadra e Klaksvik, në Ishujt Faroe, në formën e huazimit. Në një prononcim të dhënë së fundmi, mesfushori u shpreh se më mirë është ndjerë te Flamurtari, për shkak se aty ka luajtur më […]

LEXO TE PLOTE

Sport

Mblidhet Komiteti Ekzekutiv i FSHF, zbulohet çfarë u diskutua

Publikuar

-

Nga

U zhvillua ditën e sotme mbledhja e radhës e Komitetit Ekzekutiv të Federatës Shqiptare të Futbollit. Mbledhja e sotme, për herë të parë, u zhvillua përmes video-konferencës, në respektim të rregullave të distancimit fizik që kërkohet për shkak të përhapjes së Covid-19 në vendin tonë. Komiteti Ekzekutiv diskutoi në lidhje me situatën e krijuar në […]

LEXO TE PLOTE
Lajme të Rekomanduara: