Connect with Us

Lojtarët do përdorin maska, FSHF merr masa drastike

Sport

Lojtarët do përdorin maska, FSHF merr masa drastike

Publikuar

-

FSHF ka publikuar vetëm para pak minutash një sërë masash pas situatës së fundit në vend me mbërritjen e Koronavirusit. Për të evituar shpërndarjen e tij, është bërë e ditur se duke nisur që nga zyrat e FSHF-së, do të ketë më pak punëtorë në zyra, ndërsa punojëset femra me fëmijë do të punojnë nga shtëpitë e tyre.

Sa i përket futbollit, do të dezinfektohet fusha stërvitore dhe vendet ku qendrojnë lojtarët. Këta të fundit duhet të mbajnë maska edhe gjatë udhëtimeve në transferta, ndërsa duhet të evitojnë në maksimum edhe kontaktet fizike. Ndërkohë kampionati do të vazhdojë që të luhet, por me dyer të mbyllura.

Komiteti i Emergjencës në Federatën Shqiptare të Futbollit, ka ndjekur me kujdes dhe nga afër situatën e krijuar në vendin tonë pas shfaqjes së rasteve të prekura nga virusi COVID-19. Menjëherë i është përgjigjur urdhërit të Ministrisë së Shëndetësisë dhe Mbrojtjes Sociale për të evituar grumbullimet publike dhe duke i zhvilluar ndeshjet me dyer të mbyllura.

Komiteti i Emergjencës, bën me dije stafin e Federatës së Futbollit, klubet e futbollit, akademitë, futbollistët, dhe të gjithë organizatorët dhe zyrtarët e ndeshjeve se janë të detyruar të zbatojnë me përpikmëri dhe përgjegjësi vendimet e mëposhtme.

  1. Në Federatën e Futbollit në Tiranë, si dhe në të gjitha zyrat e saj në territorin e Republikës së Shqipërisë hyjnë në fuqi këto masa në mënyrë të menjëhershme:
  2. a) Nis reduktimi i përkohshëm i stafit në zyra. Punonjësit do të paraqiten me rotacion (nga një punonjës për secilën zyrë, për të mundësuar vijimësinë e punës) dhe uljen në minimum të kontakteve dhe shkëmbimeve virale. Do i jepet përparësi kryerjes së detyrave përmes telefonit dhe internetit.
  3. b) Punonjëset femra me fëmijë do të punojnë nga shtëpitë;
  4. c) Hyrjet dhe daljet në Federatën e Futbollit do të limitohen për personat e jashtëm; çdo punë mundësisht të kryhet me telefon dhe e-mail, dhe paralelisht nëse duhet ndonjë takim i detyrueshëm me qytetarët nga jashtë institucionit, punonjësi përkatës që do të jetë në zyrë do të takohet me qytetarin jashtë mjediseve;
  5. d) Çdo pjesëtar i stafit që do të ketë shqetësime duhet të informojë dhe do t’i kërkohet të vetë-izolohet në shtëpi;
  6. e) Të gjithë punonjësve u kërkohet të jenë në kontakt të përhershëm më autoritetet shëndetësore;
  7. f) Federata e Futbollit do të bëjë dezinfektimin e të gjitha zyrave dhe ambjenteve të punës;
  8. g) Të vijojë vendosja e dezinfektusve të duarve në të gjitha mjediset e punës së FSHF.
  9. Lidhur me pjesën e grumbullimeve stërvitore, ndeshjeve futbollistike etj., sipas protokollit të OBSH-së dhe rekomandimit të mjekeve, duhen ndjekur dhe zbatuar udhëzimet e mëposhtme në mënyrë rigoroze:
  10. a) Të gjitha ndeshjet futbollistike do vijojnë të luhen me dyer të mbyllura. Kërkojmë mirëkuptimin e sportdashësve tanë që të mos vizitojnë ambjentet sportive;
  11. b) Të merren masa nga të gjitha klubet që gjatë grumbullimeve stërvitore dhe ndeshjeve të evitohen kontaktet fizike;
  12. c) Të merren masa nga të gjitha klubet që të dezinfektohen të gjitha ambjentet stërvitore, fushat dhe stadiumet, pra të gjitha dhomat ku ekipet, stafet dhe zyrtarët e ndeshjeve do akomodohen;
  13. d) Të vendosen dezinfektues duarsh në të gjitha këto mjedise për tu ardhur në ndihmë futbollistëve, stafeve dhe zyrtarëve;
  14. e) Të gjithë stafet të qëndrojnë me maska dhe doreza gjatë punës;
  15. f) Përdorimi i maskave dhe dorezave është i detyrueshëm sidomos gjatë udhëtimeve të ekipeve, pra në autobusë, në furgona dhe çdo grumullim tjetër të detyrushëm në vende të mbyllura;
  16. g) Ashtu siç tashmë kemi modele nga futbolli ndërkombëtar, futbollistët dhe stafet të mos kenë fare kontakt fizik, të tipit të dhënies së duarve në fillim të takimit, gjatë apo edhe në fund.
  17. h) Stafet mjekësore të klubeve dhe akademive, të jenë në kontakt të pandërprerë me autoritetet mjekësore të zonave përkatëse lidhur me raste të mundshme apo të dyshuara. Çdo rast, qoftë edhe i një simptome gripi të lehtë duhet raportuar dhe ndjekur me kujdes.
  18. FSHF ka anulluar të gjitha mbledhjet publike, seminaret, ëorkshop-et dhe konferencat e shtypit. Kërkojmë mirëkuptimin e klubeve, gazetarëve dhe bashkëpunëtorëve tanë. Komunikimi me ta do vijojë i pandërprerë përmes telefonit dhe internetit.
  19. FSHF u bën thirrje të gjithë futbollistëve dhe stafeve teknike, të evitojnë udhëtimet personale jo të domosdoshme brenda vendit dhe sidomos jashtë vendit (sidomos drejt zonave të deklaruara zyrtarisht si të prekura nga virusi) dhe të reduktojnë takimet apo kontaktet që mund të rrezikojnë shëndetin e tyre dhe personave përreth tyre.

Këto vendime hyjnë në fuqi menjëherë

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Sport

Kapiteni serb i Laçit: Ja çfarë do bëjmë nëse kampionati nuk nis deri më 1 qershor

Publikuar

-

Nga

Aleksandar Ignjatoviç ndien mall për futbollin. Shëndeti realisht ka rëndësi, e megjithatë mendon se ka ardhur koha që t’u rikthehen fushave. Kapiteni i Laçit në tri ndeshjet e fundit, në një intervistë ekskluzive për “Panorama Sport” rrëfen se karantinën po e kalon në Tiranë dhe se stërvitjen nuk e ka lënë asnjë ditë pas dore, […]

LEXO TE PLOTE

Sport

U largua nga Partizani në janar, flet mesfushori: Këtu ka më shumë dele se njerëz, do rikthehem në Shqipëri

Publikuar

-

Nga

Alesio Hyseni kaloi një periudhë të vështirë te Partizani, teksa në janar vendosi të largohet nga të kuqtë, duke kaluar te skuadra e Klaksvik, në Ishujt Faroe, në formën e huazimit. Në një prononcim të dhënë së fundmi, mesfushori u shpreh se më mirë është ndjerë te Flamurtari, për shkak se aty ka luajtur më […]

LEXO TE PLOTE

Sport

Mblidhet Komiteti Ekzekutiv i FSHF, zbulohet çfarë u diskutua

Publikuar

-

Nga

U zhvillua ditën e sotme mbledhja e radhës e Komitetit Ekzekutiv të Federatës Shqiptare të Futbollit. Mbledhja e sotme, për herë të parë, u zhvillua përmes video-konferencës, në respektim të rregullave të distancimit fizik që kërkohet për shkak të përhapjes së Covid-19 në vendin tonë. Komiteti Ekzekutiv diskutoi në lidhje me situatën e krijuar në […]

LEXO TE PLOTE
Lajme të Rekomanduara: