Connect with Us

Frika nga epidemia, mjeku i Partizanit: Ja si po e menaxhojmë Koronavirusin

Sport

Frika nga epidemia, mjeku i Partizanit: Ja si po e menaxhojmë Koronavirusin

Publikuar

-

Epidemia e Koronavirusit prej ditësh i ka shtrirë rrënjët edhe në Shqipëri, ku zyrtarisht dje është shënuar edhe viktima e parë, një grua e moshuar në Durrës. Me vendim të qeverisë shumë aktivitete janë pezulluar në vendin tonë, ndërsa aktivitetet futbollistike janë vendosur që të luhen në këtë fundjavë, por me stadiume të mbyllura. Duke ditur se ka aktivitet në fundjavë, skuadrat e futbollit janë të detyruara që t’i nënshtrohen procesit stërvitor edhe në një situatë jo normale, ku frika për jetën dhe stresi rëndon më shumë se ecuria dhe rezultatet e skuadrës.

Në këto kushte, futbollistët dhe stafet e klubit janë të detyruar që të vijojnë procesin normal ditor, por me masa dhe profilaksi të shtuar. Një nga rregullat mbrojtëse për parandaluar infektimin nga Koronavirusi është shmangia e kontaktit dhe ruajtja e distancës mes personave. Se si mund të zbatohet ky rregull për futbollistët, është e pakonceptueshme, pasi vetë loja në vetvete është kontakt, markim, luftë sportive dhe “fair play” para dhe pas ndeshjes. Gjithsesi, të kuqtë po mundohen që ta menaxhojnë sa më mirë këtë situatë dhe peshën më të madhe po e mban stafi mjekësor, i cili thuajse gjatë 24 orëve të ditës është nën kontakt me pjesëtarët e skuadrës, duke u dhënë këshilla, por edhe duke marrë parasysh shqetësimet që mund të kenë.
Mjeku i Partizanit, Dhimosten Gjini, në një prononcim për “Panorama Sport” tregon masat që ka marrë klubi si dhe punën që po kryen personeli mjekësor i skuadrës për të menaxhuar situatën aktuale. “Skuadra po stërvitet normalisht dhe fatmirësisht në këtë periudhë nuk kemi probleme shëndetësore, qoftë edhe virale. Po bëjmë ç’është e mundur për të ndërgjegjësuar sportistët e këdo tjetër që ka lidhje me klubin për marrjen e masave profilaktike për parandalimin e Koronavirusit.

Klubi nga ana tjetër ka bërë të gjitha përpjekjet dhe punën për pajisjen e të gjithë pjesëtarëve me mjetet mbrojtëse. Ashtu si në të gjithë popullatën, stresi ekziston, pasi të gjithë janë në radhë të parë qytetarë dhe shumica prindër. Ndaj mbi shëndetin nuk ka asgjë më të rëndësishme.

Unë dhe stafi mjekësor i klubit jemi në kontakt të përditshëm me grupin në stërvitje, dhe pastaj gjatë gjithë orëve në vazhdim jemi në kontakt “online” për çdo shqetësim të shfaqur. Shpresojmë dhe besojmë se nuk do të kemi probleme. Me Zotin përpara dhe me vetëkujdesin mund ta mposhtim këtë situatë”, u shpreh mjeku i Partizanit, Dhimosten Gjini, për “Panorama Sport”.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Kombëtare

Juventin i thekur, por Rama e gjen motivimin te rivalët: Të bëhemi si Milani i Sakit

Publikuar

-

Nga

Në Itali ka dhënë mendimin e tij sesi duhet të dilet nga kjo situatë edhe kryeministri i Shqipërisë, Edi Rama. Një juventin dhe që e adhuron këtë skuadër, por kur vjen puna për të gjetur histori të mëdha suksesi, përfundon te Milani i kohërave të arta. Si në rastin për zgjidhjen e kësaj pandemie dhe […]

LEXO TE PLOTE

BundesLiga

Borussia Dortmund “thyen” karantinën, ekipi kthehet në stërvitje

Publikuar

-

Nga

Borussia e Dortmundit “thyen” karantinën. Lojtarët verdhezi do të rillojnë stërvitjen nesër. Për të shmangur çdo rrezik në lidhje me përhapjen e Koronavirus, futbollistët qëdrejti do të ushtrohen në grupe të vogla (nga dy), duke punuar në aspektin fizik. Futbollisti gjerman Emre Can është shprehur i kënaqur që ka zbritur në fushën e blertë. “Në […]

LEXO TE PLOTE

Sport

Situata e jashtëzakonshme, reagon presidenti i Bylisit: Qeveria të na ndihmojë, lojtarët presin…

Publikuar

-

Nga

Edhe presidenti i Bylisit Besnik Kapllanaj i kërkon qeverisë shqiptare të  gjejë zgjidhje për ngërçin financiar të krijuar në futbollin shqiptar pas ndërprerjes së aktiviteteve sportive për shkak të pandemisë së koronavirusit. Nëpërmjet një deklarate publike për mediat, Kapllanaj theksoi se duke filluar që nga lojtarët deri në instancat më të larta të klubit duhet […]

LEXO TE PLOTE