Connect with Us

“Po luajmë kampionatin e jetës”, Emiljano Vila: Ja si mposhtet… Koronavirusi

Sport

“Po luajmë kampionatin e jetës”, Emiljano Vila: Ja si mposhtet… Koronavirusi

Publikuar

-

Mesfushori i Teutës, Emilajno Vila, jep një mesazh mjaft domethënës në këto momente të vështira që po kalon vendi dhe e gjithë bota për shkak të pandemisë së Koronavirusit.

Në intervistën ekskluzive për “Panorama Sport”, durrsaku theksoi ndër të tjera se futbollistët po luajnë kampionatin e jetës në këtë moment. Ai tregoi si e kalon kohën dhe stërvitjen individuale që bën. Si për të konfirmuar këtë, Vila vendosi në dispozicion të gazetës edhe matësin elektronik për vrapimet që kishte bërë gjatë ditës së sotme, natyrisht në orën e lejuar.

Emiliano, pas tërmetit që tronditi vendin dhe veçanërisht Durrësin, tashmë vjen edhe përhapja e koronavirusit…

Janë situata të vështira. Me tërmetin i shihnim dëmet, ndërsa këtë virus nuk e dallon dot. Nuk mund t’i karahasojmë të dyja. Është vërtet një situatë e rëndë, që shpresojmë të kalojë sa më shpejt.

Si po e kalon kohën dhe sa e vështirë është për një lojtar të mbyllet në shtëpi?

Jemi larg fushës, aty ku stërvitemi çdo ditë dhe kjo ndikon shumë në anën tonë psikologjike. Megjithatë, kjo që po ndodh është ndeshja më fortë për të gjithë. Duhet të kesh vullent për të qëndruar në shtëpi dhe zbatuar të gjitha këshillat e autoriteteve. Fusha është atje duke na pritur, por njëkohësisht ne po luajmë kampionatin e jetës.

emiliano vila

Keni një mesazh për ata që mezi po e përballojnë këtë situatë të paprecedentë?

Duhet të shpenzoni sa më shumë kohë me familjen. Bëni ushtrime në kushte shtëpie dhe argëtohuni. Ju këshilloj ta mendoni këtë situatë si një ndeshje futbolli, ku virusi duhet dribluar dhe në fund të gjithë bashkë të fitojmë. E rëndësishme është që të qëndrojmë në shtëpi, sepse kështu mbrojmë veten dhe familjen.

Prej datës 13 mars Teuta nuk po stërvitet, ashtu si dhe ekipet e tjera. Ju çfarë keni bërë në këtë periudhë për të ruajtur gjendjen fizike?

Që pas ndërprerjes së kampionatit, stafi teknik ka bërë një plan stërvitor, të cilin po e zbatoj. Po stërvitem në kushte shtëpie, edhe pse nuk është njësoj si terreni sportiv. Dalë për vrap dhe madje sot kam përshkruar 9 kilometra. Është e vështirë, por duhet të durojmë. Mënyra më e mirë është të stërvitemi për të hequr disi mendjen nga ky virus. Unë personalisht po mundohem të shoh edhe ndonjë program televiziv, pikërisht disa gjëra që nuk mund t’i bënim më parë prej kohës së reduktuar që kemi pasur.

Emiljano Vila kilometrat

Me shpresën se kampionati do të nisi në muajin e ardhshëm, ku e shikoni Teutën në fund të këtij sezoni?

Në këtë moment nuk mendoj për futboll apo rivalë. Thjesht duhet të jemi të gjithë të bashkuar për të kaluar këtë situatë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Sport

Kapiteni serb i Laçit: Ja çfarë do bëjmë nëse kampionati nuk nis deri më 1 qershor

Publikuar

-

Nga

Aleksandar Ignjatoviç ndien mall për futbollin. Shëndeti realisht ka rëndësi, e megjithatë mendon se ka ardhur koha që t’u rikthehen fushave. Kapiteni i Laçit në tri ndeshjet e fundit, në një intervistë ekskluzive për “Panorama Sport” rrëfen se karantinën po e kalon në Tiranë dhe se stërvitjen nuk e ka lënë asnjë ditë pas dore, […]

LEXO TE PLOTE

Sport

U largua nga Partizani në janar, flet mesfushori: Këtu ka më shumë dele se njerëz, do rikthehem në Shqipëri

Publikuar

-

Nga

Alesio Hyseni kaloi një periudhë të vështirë te Partizani, teksa në janar vendosi të largohet nga të kuqtë, duke kaluar te skuadra e Klaksvik, në Ishujt Faroe, në formën e huazimit. Në një prononcim të dhënë së fundmi, mesfushori u shpreh se më mirë është ndjerë te Flamurtari, për shkak se aty ka luajtur më […]

LEXO TE PLOTE

Sport

Mblidhet Komiteti Ekzekutiv i FSHF, zbulohet çfarë u diskutua

Publikuar

-

Nga

U zhvillua ditën e sotme mbledhja e radhës e Komitetit Ekzekutiv të Federatës Shqiptare të Futbollit. Mbledhja e sotme, për herë të parë, u zhvillua përmes video-konferencës, në respektim të rregullave të distancimit fizik që kërkohet për shkak të përhapjes së Covid-19 në vendin tonë. Komiteti Ekzekutiv diskutoi në lidhje me situatën e krijuar në […]

LEXO TE PLOTE
Lajme të Rekomanduara: