Sipas mediave spanjolle, institucioni ka planifikuar që me përjashtim të dy kategorive të para, po mendon që të ngrijë renditjet aktuale dhe të zhvillojë vetëm sistemin play-off për ngjitjen, duke anulluar për këtë vit rënien. Kështu, do të ketë më pak të pakënaqur dhe klubet që nga kategoria e tretë e më poshtë do të pranojnë këtë zgjidhje që minimizon rreziqet e që u jep kohë që të përgatiten për daljen nga situate e krizës në sezonin e ardhshëm.

Kështu, në grupin 3 të Segunda B, ku gjendet edhe ekipi i dytë i Barcelonës, gara do të jetë mes katalanasve, Kastejon që gjendet në vendien e parë në renditje me një pikë më shumë, si dhe Sabadel e Kornela që i ndjekin. Play-off për të nxjerrë emrin e skuadrës së parë që do të ngjitet në La Liga 2, do të zhvillohet me ndeshje teke, pra Barcelonës B i nevojitet që të fitojë këta dy sfida të radhës për të arritur objektivin e klubit. Kjo është një mundësi e mirë për Manajn për të rënë në sy e për t’u ngjitur shumë shpejt në kategorinë e dytë spanjolle, ku sigurisht luhet futboll më cilësor dhe ka më shumë konkurrencë se sa në ligën e tretë. /vipsport.al/