Connect with Us

Nga “Shqipëri Etnike” në “Shtëpi Etnike”, tifozët kuqezi shpjegojnë nismën e veçantë

Kombëtare

Nga “Shqipëri Etnike” në “Shtëpi Etnike”, tifozët kuqezi shpjegojnë nismën e veçantë

Publikuar

-

Pandemia Covid-19 ka bërë që të merren masa të rrepta sigurie për të mbrojtur shëndetin e qytetarëve dhe për këtë shqiptarëve u është kërkuar që të qendrojnë në shtëpitë e tyre. Një sfidë tejet e vështirë, por në këto kushte mbetet e vetmja armë për të luftuar këtë virus. E me këtë ngjarje është solidarizuar edhe grupimi besnik i tifozëve të Kombëtares, TKZ. Këta të fundit nisën një nismë tejet të veçantë, duke modifikuar shprehjet që këndojnë në shkallët e stadiumit në mënyrë që të përcjellin mesazhe sensibilizuese për të gjithë shqiptarët që të qendrojnë në shtëpi.

“O sa mirë me ndejt në ship o hej”, apo “Kush s’rri në shpi nuk është shqiptar” janë disa prej thirrjeve të modifikuara prej tyre për t’ju përshtatur situatës aktuale. Gjithashtu edhe grupimi “Plisat” kanë qenë protagonist këto kohë, duke i kënduar ekipit të tyre të zemrës, Prishtinës, nga ballkonet e shtëpive. Ndërkohë gazetari Kushtrim Bekolli na paraqet edhe një video, që zbulon më tepër rreth këtyre ideve interesante dhe ku flasin edhe vetë protagonistët.

“Duke pasur parasysh rrethanat në të cilat ndodhemi, jo vetëm ne si popull po gjithë bota prej pandemisë Kornavirus, ne e kemi parë të arsyeshme ta thyejmë këtë lloj monotonie, pasi mbi të gjitha është një farë lufte psikologjike. Kur njerëzve i thua të qendrojnë në shtëpi, ata duhet të bëjnë diçka për të qendruar aty, duhet të bëjnë diçka për të ndryshuar atë monotoninë e përditshme. Ne kemi bërë një farë ndryshimi të thirrjeve tona, një improvizim të tyre me thirrjet e autoriteteve shëndetësore dhe atyre shtetërore, të cilët kërkojnë të qendrojmë në shtëpi, të mbajmë distancën, të mos mblidhemi në numër të madh njerëzish.

Ne kemi grupin tonë në rrjetet sociale, që funksionon në kuadër të TKZ dhe aty kemi shpalosur idenë se si do të duken këto lidhjet tona në lidhje me shtëpinë. Psh: “Shqipëri Etnike”, e kemi bërë “Shtëpi Etnike”. Apo edhe “Kush nuk kërcen nuk është shqiptar”, një prej thirrjeve tona emblem të tifozave e kemi bërë “Kush s’rri në shpi nuk është shqiptar” e kshtu me radhë. E kemi parë të arsyeshme për të kthyer pak a shumë atë atmosferën e stadiumit, por të lidhur me situatën aktuale.

Ka pasur shumë mesazhe positive, shumë mesazhe përkrahëse. Fillimisht prej kapitenit legjendar Lorik Cana, i cili e ka përkrahur dhe e ka shpërndarë edhe në profilin e vetë, por ka pasur edh figura të tjera të njohura. Ashtu si ka qenë motoja e thirrjeve tona për të qendruar në shtëpi, për të vazhduar prapë me jetën normale dhe për të mbushur tribunat e stadiumeve plot, mendojmë se është shumë e rëndësishme t’i dëgjojmë thirrjet e autoriteteve”, ka thënë Petrit Osmani, përfaqësuesi i “Tifozave Kuq e Zi”./Halit Delibashi-Sport Ekspres/

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Kombëtare

Berisha: Hysaj më i vështiri, si na ndryshoi jetën Koronavirusi

Publikuar

-

Nga

Profili në “Instagram” apo çdo rrjet social është shpesh treguesi kryesor për shumëçka nga jeta e secilit prej nesh. Po të futesh te llogaria e Etrit Berishës në “Instagram”, ka një oktapod. E pikërisht, si një i tillë mbase në fushë shqiptari është jo me dy, por shumë tentakula që i kanë mjaftuar për ta […]

LEXO TE PLOTE

Kombëtare

Barcelona nuk e lejoi Labinot Kabashin të luante për Kosovën

Publikuar

-

Nga

Labinot Kabashi ishte ftuar te Kombëtarja e Kosovës si 16 vjeçar. Ai është pjesë e Barcelonës dhe llogaritet si njëri nga yjet e ardhshëm të klubit katalunas. Albert Bunjaki e kishte ftuar Kabashin, kur ky ishte vetëm 16 vjeçar. Labi kishte shkëlqyer në stërvitjet te Kosova dhe ish-trajneri i Dardanëve dëshironte ta inkuadronte të paktën […]

LEXO TE PLOTE

Kombëtare

Kombëtaren shqiptare e refuzoi, Besnik Hasi: Mund të drejtoj Kosovën

Publikuar

-

Nga

Ish-kapiteni i Kombëtares shqiptare, Besnik Hasi nuk e ka përjashtuar mundësinë që në një ta ardhme ta marrë drejtimin e përfaqësueses së Kosovës. Në një intervistë dhënë emisionit sportiv të KTV “Sporti Total”, ish-trajneri i Anderlehti, Olimpiakosit, Legias, etj, ka vlerësuar lartë ngritjen e Kosovës dhe beson se ka një të ardhme të ndritur. “Me Kosovën […]

LEXO TE PLOTE
Lajme të Rekomanduara: